道生麵館

營業中

休息中

復活節假嘅早上趁多人北上 得登去排道生 諗住少啲人 當日10點半已經到 前面排左四組人 11:05am就入坐 姨姨會派定有號碼嘅牌仔 到時逐枱逐枱點單 因為前面個組人點左6碗所以到我哋已經無晒崩沙腩 所以叫左爽腩 坑腩同淨牛筋~ 因為小店人手唔夠 逐碗煮 所以都等左25分鐘 每份牛腩都切得好工整 好靚仔 睇得出上菜前應該切走左好多邊位 每一件牛腩都好大件 應該份量都比一般多1/3 所以平均一碗$70 係抵食嘅! 話明清湯腩 湯底真係好清澈 唔油 清甜 飲得出淡淡嘅牛味 同甜味 飲完亦唔口乾 爽腩外面層皮好爽滑 好有膠質! 坑腩就脂肪 多啲啲 但牛肉味好濃 淨牛筋唔係煮到好林 係好似軟糖咁 食落口仲會黏咀 口感同火喉都好好如果純講味道 我會話好值! 但當日嘅姐姐唔知係咪心情麻麻 兩位有反咁上下年紀嘅姐姐都黑晒口面 可以話0服務 只可以同自己講食牛腩就唔好求服務啦 野食好重要啲