道生麵館

道生麵館係比較近期去既一樣話係用新鮮牛係各方面人氣都好高同之前既傳承有得揮連花恤衫同米紙戰狼都大推好似日日都排長龍不過因為話老闆師傅本身是係做呢行所以出餐就比較慢咁我就搵左個星期六特登早d搭過海巴去排隊位置就係健威坊地下東隧巴士通常過完隧道就可以係附近落車算方便餐廳十一點半開門我就大約十一點三去到無數到有幾多人總之有條隊就排左先真係十一點半左右就開始放人入來呢度好特別要派籌既一組人一張跟順序落單而我呢就岩岩好係十個籌之外岩岩好係入唔到第一轉即係再早多少少黎就得但其實入面係仲有位淨既只係籌就係得十組十組之後就唔比入住中間有人經過入黎買外賣完全唔洗排隊就咁插左係我之前落單咁又得wor後尾坐低食野再聽到老闆娘同客人呻話乜野堂食外賣都同一條隊無得快架我hi你係呀外賣都係跟次序煮呀但係可以插隊唔洗排呢你話你出餐快都話你就係出得慢先唔比人入去ja ma咁那樣都做得出咁又再係門口等左十五分鐘十一點四十五分入得我就係第二輪既一號籌餐廳唔大餐牌崩沙腩每日得三四碗唔係排頭一二位都無咩可能食到所以唔洗諗佢餐牌就無爽腩既但成日上網都見到d人話食到爽腩米紙戰狼又係叫爽腩我就唔知咩玩法咁一個人要搭檯都係必然既配料之不過佢d凳有d有得埃有d又淨係得膠凳而我果張就係膠凳係等得好辛苦既尤其係五分鐘後落單仲要再等多43分鐘先有野食而我坐低搭檯第一輪果三位都仲未有麵食既成個用餐流程就係我11:13去到排隊餐廳11:30開門入晒十組岩岩好到我唔入到11:45終於第二輪入去11:50落單12:30開始話無晒坑腩12:33先有得食12:45離開咁其實我係唔認得邊個排係我後面但我都feel到第二輪好多人都有麵上而我係無既問個老侍應佢反而仲話係格離檯果位食左我個麵明明就係上錯左更何況你有晒籌有晒順序咁有程序我係唔明點解咁都可以上漏亦都可以有人外賣插隊認真我一個人就無咩所謂如果係其他人既話一定hi到7彩加6蚊既凍檸茶基本係捱唔到去個麵黎都飲晒架啦無崩沙腩就一定係食坑腩呢個星期六就去到十二點半賣晒個樣係整齊既有些少筋膜食落係比較瘦但並唔係柴亦都唔會un係好軟好易咬唔會痴牙之不過就唔係想像中咁好食感覺係比較似牛腩有時我老母都會去街市買新鮮牛腩番黎整咖哩腩個口感就真係好鬼似個湯係比較清同淡有少少既牛味另外係個河粉呢都係麻麻地夾上黎都散晒跌番落去唔完整既亦都唔爽口咁呢方面連八寶都好過佢整體感覺就係好既牛腩配差既河粉仲有都見到唔少人去單點個蘿蔔黎食埋單69蚊平過傳承牛唔差不過亦都無想像中咁好同埋河粉麻麻老闆娘係有禮貌既多謝前多謝後不過又可以比人外賣打尖入隊又可以上漏麵就真係差如果都係一樣要排隊既話我番去傳承食好過而且佢下午去到都可以食到坑腩另外餐廳雖然排晒隊但全部都係香港人完全無支那呢點又係幾特別可能都去晒狗記同華姐…查看更多

我啱啱去北角，11:35經開道生，只有6-7個人，咁我就坐入去，點知一坐低，就知中伏！從未遇過超惡劣嘅服務態度，一個60多歲嘅女人，大聲吆喝啲客落單，啲人叫崩沙腩，佢就話冇呀，個客聽唔到佢講乜，就大大聲呼喝催促人家，表現極度不滿，當其時跟住有另外一個人叫落單，佢就大聲講，未輪到你，差唔多每個客人都比佢羞辱過，先至落到單！我先至明白佢俾張紙仔係乜用。若果想見識香港飲食業嘅至差服務，呢間肯定係3粒黑🐷。…查看更多

如果想嚟試建議預留足夠時間，這𥚃不是一般的粉麵店兩年前食過老闆及員工態度都好好，今日12點經過排隊再食，點知食到一肚氣12:20分入座時，同侍應姐姐講可以落埋單，佢叫我等等， 到12:26先有時間落單開門不到一小時，崩沙腩坑腩都已經賣晒10分鐘後上了蕃茄湯麵，雞扒份量及味道都幾好牛三寶河等了34分鐘才到，期間出咗一碗俾遲過我10分鐘入座的客人，都唔緊要，我繼續等待，誰知下一碗竟然比了另一枱才入座2分鐘的客人？正常呢個情況，係咪會問吓侍應姐姐？點知我開口一問就俾佢鬧：你見唔到我左右手都拎住嘢！而家香港食客連問一句都要俾人鬧，真係要逼我北上消費？北角都係做街坊生意多，點解唔可以好聲好氣一啲如果老闆有心想改善，麻煩睇一睇CCTV或者同員工跟進一下食物質素：牛腩及牛筋軟腍剛好，牛肚就正常，湯汁都唔係太鹹唯一美中不足係蘿蔔不太入味，只有甜味蕃茄雞扒都幾好，份量足，湯可以再濃一點最後，如果餐廳食物質素好，但食客無辜受氣被罵，難道仲會想繼續幫襯？…查看更多

🤨 今日終於食到 “道生麵館” 牛腩伊面多蔥😬 1600 前到達只得我和前面的女仕入咗去🤨 兩位姐姐食緊飯🫣 前面女仕問重有冇崩沙或者坑腩🧐 姐姐話無喇🤷🏻‍♀️可能抱住平常心🤔 我普通腩伊竟然有三、四件帶筋膜的牛腩😋 湯底真心唔錯牛腩有咬口好味👍🏻 最尾忍唔住買番個咖哩牛腩飯🥡 今晚食😚姐姐全程慢動作但都唔算黑面🤭臨走時已經多咗七個客人入嚟😌 姐姐見到熟客都有兩句嘢講吓😙最尾收錢個姐姐都好有禮😉 問我攞齊嘢未呀🥰 北角健威坊…查看更多

有時食粉面檔大排檔茶記d 呀姐呀叔聲氣貼地啲我明wo. 但呢度兩個呀姐係堅差態度 ！ 黑口黑面不特止 你想落單禮貌叫一聲 「唔該 」佢會鬧你「未到你呀 ！」 👎🏻 見到同場幾個人都受到咁既待遇 大家都打個突 隔離枱落左單出去自助斟水都比人話叫完嘢食走咗去 有個婆婆問佢問題佢就勁大聲話人地問問問 咁既奇葩態度真係第一次見講番叫左個坑腩係幾淋 幾好味 清湯唔會咸 但開鋪15分鐘已經冇哂蝴蝶腩 ，30分鐘坑腩爽腩都叫停 加咁既態度真係冇下次☹️…查看更多

星期日中午12點黎到，難得唔洗排隊，滿心歡喜啦～嗌左個坑腩河，新黎既紅毛姐姐已經擰頭話無哂坑腩，好失望，咁我轉牛腩河啦。野食到，諗住落胡椒粉，無哂，個樽得返啲米粒，我問仲有冇新一樽，個紅毛姐姐話我近視睇錯我打開比佢睇，真係得返米粒，都倒唔出，佢先黑面換樽新比我。。。一路食途中，連續有三個都嗌坑腩河，都落到單。我十分驚訝😦公道講句，牛腩高質、河粉煙韌、湯頭清甜，實屬佳品。但比門面既2個姐姐搞歪哂整體質素，食到成肚氣…查看更多

之前去九記食牛腩，我對面位食客話北角道生好味啲喎。所以今日專登黎食。位，係等得耐嘅。嘢食係上得慢嘅，不過都唔緊要，然之後張枱係污糟嘅，似上手食完未抹枱咁嘅樣。嗌咗兩碗牛腩伊，只可以話普普通通，牛腩ok, 伊麵普通，湯底亦都唔特別好味.可能名氣過大 ，期望過高。…查看更多

作為一個鍾意食牛腩嘅男人，今日難得有空檔終於都要過嚟試一試道生11點幾過到嚟已經有差唔多10個人喺前面等緊入到去果然係冇崩沙腩，不過本身都只係諗住試爽腩或者坑腩。結果冇爽腩咁就唯有試坑腩伊麵一上枱，賣相靚仔。飲啖湯先！牛骨湯香濃不油膩，再試試坑腩，溫得夠腍夠入味！呢啲有筋膜嘅位置果然係最好食！食物方面真係非常之good，不過落單姐姐嘅態度就真係好曳，大家要有心理準備…查看更多

近公司，所以嚟過三次，本來已知普通，除左樓上樓下講嘅排隊問題（不過我通常非繁忙時間去，未經歷過） ，另外有幾單嘢想講：1. 我覺得最大問題係誠信和服務，一叔一婆樓面經常黑口黑面，服務態度超差，可能以為自己好巴閉？😂 我每次都係嗌牛坑腩，佢次次都話無，得普通牛腩，但次次都俾我見到佢賣俾其他人，但又唔覺得佢地係特別熟，呢樣嘢我參透唔到，可能小弟樣衰佢唔想做我生意。 2. 今日（15/8）仲特別，我明明記得間嘢收八達通，所以我想輕便d，淨係帶八達通和電話落去食，食完佢話唔收八達通，我話「吓？我記得你地收架喎！我無帶錢，一係我留低電話，我上去攞錢俾你地？」個阿婆先鬼鬼祟祟喺下攞返部機出嚟！明嘅，八達通要收佣嘛。其他餐廳會理解，可能本身對佢地印象唔好，所以特別覺得「又做古惑嘢」嘅感覺。3. 講返牛腩，食過幾次都係超靭，難食！不過因為最近我公司嘅粉麵店，所以先再嚟！今日特別d，終於有個伯伯出聲，「你地d牛腩好靭，我成碗腩食唔到」佢對阿叔講，阿叔擺明聽到，見佢諗下點答之後無理個客，過一陣，個伯伯再同婆講，個婆婆都係無回應，伯伯只好講「又係唔理！你地同師傅講返啦。」 4. 仲有，今日非繁忙時間坐左入去都等左成20分鐘先有得食😅😅😅 我用左20分鐘諗：其實入面忙緊咩呢？ 5. 頂，仲有，撳緊星星果part見到「衞生」先醒起，係我短短三次嘅經驗入面，我係見過一次有曱甴喺樓面橫行。無下次Lu ，我下次想食麵去一粥麵算🤣 慳返d錢，多謝哂😗…查看更多

說道生是香港清湯腩的新旗手，又或者說是全香港佳的，我暫時感受不到，除了因為天氣炎熱而要在店外等候長時間，影響我的食慾外，在點餐時沒有所有特別的牛腩部位，就只有普通牛腩，比較起來不太公平。就湯頭而言，未去到令我驚喜，就是牛骨湯加上滷水汁的味道，當然湯頭沒有味精，也算是真材實料。配上銀絲幼麵也是在我的至愛，不喜歡配上河粉的原因是因為很多同類舖頭，會將其浸到起糊，越來越少店舖能夠將河粉的時間控制得到好處，這裏的銀絲幼麵夠爽，帶一點筋性，鹼水味不明顯，但少了蛋香，水準之中未見驚喜。去到牛腩也就是主角部份，雖說是普通部位，但選取比較肥美的部位，脂肪和腩肉層次分明，單純牛腩的質素而言，就真的有這間店要排隊的原因，牛肉肉香𩐝，肉質爽實不黐牙，而且牛肉紋理分明，有外在美也有內在美，如果可以吃到成名的崩沙腩，也許會有一個更加中肯的評價，但湯頭和麵身要說是香港最好的層次，還是有一段距離。The clear broth brisket here didn’t impress me as Hong Kong’s best; the ordinary brisket was tender and aromatic, and the fine noodles pleasantly springy, but both the soup and noodles lacked standout character—overall decent but not outstanding, with a bit of a wait outside affecting the experience.…查看更多

北角有名氣清湯腩店頗有名氣嘅舖頭，但今日唔係食牛腩麵，試咗蕃茄牛小排烏冬$63都有啲驚喜。嚟呢間鋪頭食嘢，要預返咁上下時間，因為由落單到上菜真係幾耐。上次幫襯牛腩麵等咗成30分鐘先有得食，今次牛小排就快啲。蕃茄湯似屋企煲嗰種蕃茄薯仔湯嘅味道，唔係偏濃郁嘅蕃茄湯，係淡淡嘅蕃茄湯，但都幾好味。至於牛小排煎得幾好食，牛味幾濃Juicy，烏冬就真係普通貨，偏腍，下次應該唔會再叫烏冬。…查看更多

今日11:30am去排隊等開門，第一批入唔到路繼續等，但等左好耐，唔對路上前一睇見仲有6-7枱空位，但唔比人入去座 ，大熱天時係門口曬住等，問個呀姐點解，佢話做唔切點點，其實係咪自製人龍假象，真係嬲到走左，再好食都唔會幫襯，咩野牛腩咁巴閉真金白銀比錢食野，點解要受啲咁既垃圾態度…查看更多

見咁多人排隊諗住試吓，淨係買個外賣都要我排隊，仲要誇張到排咗成半個鐘先至落到單。本身見咁多人已經有啲唔妥，但都諗住可能佢哋整得好食，等下都值。點知落完單之後更加離譜，問咗職員幾次都係一句「未有未有」，冇人主動交代，冇人理你咁。最後總共等咗成一個半鐘頭先至攞到個外賣，離晒大譜！唔休做唔代表可以服務差，特別係外賣應該係快靚正，而唔係折磨人嘅等待。排咁耐、冇安排、又唔透明，真係令人好反感。而且舖頭岩岩先開都可以話冇晒崩沙腩 。其實之前試過食堂食都已經係呢個情況 。出面比佢好食既店我都食過，態度同安排比佢好十倍，價錢又平過佢 。所以講句真心嘅，如果你趕時間，又唔想係門口罰企成粒幾鐘，奉勸一句：唔值得。…查看更多

早上10:00同朋友去排第一，10:30男老板客氣地感激支持，非常有禮貌。11:45左右開始派籌，我話兩個人是否兩個籌？被大喝一聲。入座後又被大喝一聲，做乜坐兩張凳？原來兩張膠椅疊起咗我唔知道。我對面同枱客，都係第一次食，叫咗牛腩麵覺得好靓好食，立刻加碟淨牛腩，阿姐大鬧，做乜唔一次過叫，依家唔買俾你，我代為解釋，人哋見到碗牛腩好靚，所以立即加單，惡劣姐改口寫俾你都得，但係要帶走食不能坐喺度食。對面同枱客立即起身，埋單大半碗牛腩麵都不食。道生老板好有心機，牛腩真係非常之好食無奈我真係吾會爲牛腩再去受氣。…查看更多

今天我試了網上推薦的北角清湯腩，四點到達時正好不用排隊，讓我感到相當驚喜。星期五四點下午今天只有普通的牛腩，沒有坑腩和崩沙腩，但這並未影響我的期待。🥰湯底清澈，色澤透亮，散發著淡淡的香氣。喝一口，湯味鮮美，恰到好處，讓人感受到食材的原味❤️。牛腩煮得恰到好處，肉質軟嫩，入口即化，令人滿足。搭配白飯，簡直是完美的午餐選擇。👍🏻價格方面也相對合理，尤其考慮到這樣的品質，性價比頗高。我的孩子也讚不絕口，讓我驚喜不已。這道清湯腩不僅適合作為午餐，也是下午茶的理想選擇。總的來說，值得一試！付款方面可以接受八達通的。相當方便！…查看更多