道生麵館

營業中

休息中

道生麵館係比較近期去既一樣話係用新鮮牛係各方面人氣都好高同之前既傳承有得揮連花恤衫同米紙戰狼都大推好似日日都排長龍不過因為話老闆師傅本身是係做呢行所以出餐就比較慢咁我就搵左個星期六特登早d搭過海巴去排隊位置就係健威坊地下東隧巴士通常過完隧道就可以係附近落車算方便餐廳十一點半開門我就大約十一點三去到無數到有幾多人總之有條隊就排左先真係十一點半左右就開始放人入來呢度好特別要派籌既一組人一張跟順序落單而我呢就岩岩好係十個籌之外岩岩好係入唔到第一轉即係再早多少少黎就得但其實入面係仲有位淨既只係籌就係得十組十組之後就唔比入住中間有人經過入黎買外賣完全唔洗排隊就咁插左係我之前落單咁又得wor後尾坐低食野再聽到老闆娘同客人呻話乜野堂食外賣都同一條隊無得快架我hi你係呀外賣都係跟次序煮呀但係可以插隊唔洗排呢你話你出餐快都話你就係出得慢先唔比人入去ja ma咁那樣都做得出咁又再係門口等左十五分鐘十一點四十五分入得我就係第二輪既一號籌餐廳唔大餐牌崩沙腩每日得三四碗唔係排頭一二位都無咩可能食到所以唔洗諗佢餐牌就無爽腩既但成日上網都見到d人話食到爽腩米紙戰狼又係叫爽腩我就唔知咩玩法咁一個人要搭檯都係必然既配料

今日11:30am去排隊等開門，第一批入唔到路繼續等，但等左好耐，唔對路上前一睇見仲有6-7枱空位，但唔比人入去座 ，大熱天時係門口曬住等，問個呀姐點解，佢話做唔切點點，其實係咪自製人龍假象，真係嬲到走左，再好食都唔會幫襯，咩野牛腩咁巴閉真金白銀比錢食野，點解要受啲咁既垃圾態度

見咁多人排隊諗住試吓，淨係買個外賣都要我排隊，仲要誇張到排咗成半個鐘先至落到單。本身見咁多人已經有啲唔妥，但都諗住可能佢哋整得好食，等下都值。點知落完單之後更加離譜，問咗職員幾次都係一句「未有未有」，冇人主動交代，冇人理你咁。最後總共等咗成一個半鐘頭先至攞到個外賣，離晒大譜！唔休做唔代表可以服務差，特別係外賣應該係快靚正，而唔係折磨人嘅等待。排咁耐、冇安排、又唔透明，真係令人好反感。而且舖頭岩岩先開都可以話冇晒崩沙腩 。其實之前試過食堂食都已經係呢個情況 。出面比佢好食既店我都食過，態度同安排比佢好十倍，價錢又平過佢 。所以講句真心嘅，如果你趕時間，又唔想係門口罰企成粒幾鐘，奉勸一句：唔值得。

早上10:00同朋友去排第一，10:30男老板客氣地感激支持，非常有禮貌。11:45左右開始派籌，我話兩個人是否兩個籌？被大喝一聲。入座後又被大喝一聲，做乜坐兩張凳？原來兩張膠椅疊起咗我唔知道。我對面同枱客，都係第一次食，叫咗牛腩麵覺得好靓好食，立刻加碟淨牛腩，阿姐大鬧，做乜唔一次過叫，依家唔買俾你，我代為解釋，人哋見到碗牛腩好靚，所以立即加單，惡劣姐改口寫俾你都得，但係要帶走食不能坐喺度食。對面同枱客立即起身，埋單大半碗牛腩麵都不食。道生老板好有心機，牛腩真係非常之好食無奈我真係吾會爲牛腩再去受氣。

今天我試了網上推薦的北角清湯腩，四點到達時正好不用排隊，讓我感到相當驚喜。星期五四點下午今天只有普通的牛腩，沒有坑腩和崩沙腩，但這並未影響我的期待。🥰湯底清澈，色澤透亮，散發著淡淡的香氣。喝一口，湯味鮮美，恰到好處，讓人感受到食材的原味❤️。牛腩煮得恰到好處，肉質軟嫩，入口即化，令人滿足。搭配白飯，簡直是完美的午餐選擇。👍🏻價格方面也相對合理，尤其考慮到這樣的品質，性價比頗高。我的孩子也讚不絕口，讓我驚喜不已。這道清湯腩不僅適合作為午餐，也是下午茶的理想選擇。總的來說，值得一試！付款方面可以接受八達通的。相當方便！

復活節假嘅早上趁多人北上 得登去排道生 諗住少啲人 當日10點半已經到 前面排左四組人 11:05am就入坐 姨姨會派定有號碼嘅牌仔 到時逐枱逐枱點單 因為前面個組人點左6碗所以到我哋已經無晒崩沙腩 所以叫左爽腩 坑腩同淨牛筋~ 因為小店人手唔夠 逐碗煮 所以都等左25分鐘 每份牛腩都切得好工整 好靚仔 睇得出上菜前應該切走左好多邊位 每一件牛腩都好大件 應該份量都比一般多1/3 所以平均一碗$70 係抵食嘅! 話明清湯腩 湯底真係好清澈 唔油 清甜 飲得出淡淡嘅牛味 同甜味 飲完亦唔口乾 爽腩外面層皮好爽滑 好有膠質! 坑腩就脂肪 多啲啲 但牛肉味好濃 淨牛筋唔係煮到好林 係好似軟糖咁 食落口仲會黏咀 口感同火喉都好好如果純講味道 我會話好值! 但當日嘅姐姐唔知係咪心情麻麻 兩位有反咁上下年紀嘅姐姐都黑晒口面 可以話0服務 只可以同自己講食牛腩就唔好求服務啦 野食好重要啲

當外界譽滿「道生清湯腩」為一代牛腩之選，我懷著滿腔期待親身造訪，卻遺憾地發現，所謂盛名，有時竟可以與實質南轅北轍至斯。首談其湯腩，牛腩本應肉香濃郁、層次分明，然而眼前所嚐者，不僅缺乏應有的牛味，入口乾柴無韻，竟有如白煮無魂。至於那碗被譽為「清湯」的湯底，更令人不敢恭維。非但不見清澈甘香，反而混濁油膩，有如豬骨湯失手之作，失卻了清湯應有的通透與鮮雅。若非親身所嚐，實難相信網上之種種推崇所言何來。更甚者，是店內之衛生與服務水準。鄰桌客人指凳面污穢不堪，店員不僅未有表示歉意，竟全程冷眼旁觀，毫無作為。最終清潔之責，竟落在該名客人身上，觀者無不為之心寒。至於我自身的體驗亦難言愉快。首度光顧，本欲將牛腩轉作坑腩，僅輕聲一問，便被一句「冇得轉、冇貨」冷冷打發，語氣無溫無度，毫無基本待客服氣。誠然，味道主觀，但當食物無味、服務冷漠、衛生堪憂之三者並存，實在難以為其粉飾太平。或許，道生之名，只適合存在於鍵盤與回憶之間，而非一碗實實在在的湯腩之中。

今日2點半左右都試吓呢間咁出名嘅牛腩舖。本來想點崩沙牛腩，其實預咗賣晒，個伙計聽到我叫，冷笑一下，咩料呀！個伙計儍Q咗，咁我叫牛腩，個伙計頭也不回，走開咗。當時舖頭唔滿，佢哋唔係忙㗎！想點呀？剩係做熟客或者KOL生意？喂！佢唔平架…$70左右一碗牛腩河，我冇預期咩服務，基本上順順利利落單就已經足夠！為咗試吓係咪咁好食，行咗15分鐘，終於當然走咗！其實，慶幸未落單，就見識到佢哋嘅服務，冇一次，哈哈！唔洗俾錢佢地賺！

我第一篇食評獻給你聽朋友介紹話道生啲牛腩好好食今日專登過海試下一入到舖坐低聞到一陣非常濃烈的酸宿味係佢哋條抹枱布 可能 沒有 用清潔劑清洗留下強烈酸宿味坐低15分鐘已經聞到個人暈暈地我叫清湯牛腩飯， 因為沒有坑腩爽腩崩沙腩我對碗食物也沒有抱太大期望但一上枱碗嘢直頭令我驚嘆又瘦又柴又鞋(有相為証)求其 食完就即刻離開可能係我今次唔好彩 但係我真係唔會再幫襯

曾聽聞牛腩界的至品乃坑腩，是次有緣一試，且看如何。坑腩麵相當大碗，整碗食完一定夠飽！先呷一口湯，竟然有驚喜，清甜不算十分油膩。碗內有相當多的牛腩，每件都大大件，大方得體！美妙之處乃牛味相當之香濃。牛腩的質地雖然未至於入口即化，卻勝在沒有渣，亦屬於容易嘴嚼，加些辣椒油再升高一個呢！反而麵條則比下去：麵條是中粗的，吃下感覺鹼水味略重，而且淥得太腍，欠缺爽彈的口感，完全破壞了整碗麵！除了麵條之外，其他尚算可取。

係因為俾蕃茄湯吸引已黎， 真係等左15分鐘， 黎到見到塊雞扒已經覺得好吸引， 煎得好靚又好大塊。 第一啖飲湯就飲得出係用真蕃茄煮成既湯， 唔係用茄膏， 因為湯味唔算好濃， 但蕃茄同洋蔥味係好fresh , 加埋個辣椒油食仲出色。 整體黎講都唔錯

為咗呢碗崩沙腩伊，特登喺舖頭開門前早1小時嚟，估唔到可以排到第一位😆 值唔值得？我覺得絕對值得。可以話係我食過最好味嘅崩沙腩之一！兩塊牛筋膜包裹著嫩滑濃味的牛肉，咬下去時，筋膜的彈性與肉質的鮮美交織出多重滋味，加上湯頭濃郁，搭配彈牙的伊麵，每一口都是無與倫比的享受。而且崩沙腩每日僅限三至五碗，坐我對面嘅師兄排第五都食唔到，唯有眼甘甘睇住我食，所以大家想食崩沙腩就要早啲嚟排隊喇。我係睇咗老闆嘅故事先至嚟食，本來想搵老闆影張相，但係夥計話佢太忙，唯有等下次。

見到網上推介 提早11點就去排隊結果等到1145左右先入到去 拎10號籌都有坑腩食 開頭喜出望外之後就係無限期既等。。。等其實都係預左既 但等緊期間係咁比外賣單打尖 明明排外賣既排系我後面 結果餐廳做左外賣先比堂食既 連續比左幾張外賣單打尖如果間餐廳係服務外賣優先, 請佢喺門外寫塊牌註明 等緊期間都有個食客衝去入廚房同個老闆詐型 但相信意見反映 態度照舊 今次經歷由11點等到12點半都未有得食 等左1個幾2個鐘, 食就10分鐘🤣🤣 隔離枱等緊兩碗面期間加單要淨牛腩 結果食完兩碗面個牛腩都未黎 催單又被店員詐型話ordet你唔一早落, 隔離枱最後幫襯左72+72+158, 成三百蚊結論除非你有食法國fine dining既耐心 否則最好唔好挑戰🤣🤣🤣 因為等左個幾鐘太肚餓 無影到相 不喜勿插🙏

整碗牛腩麵要25分鐘，淥個麵要幾耐，牛腩一早已經煮好爭切啫，幾好食都冇用，服務又差，有吉位又唔叫人入去坐，專登整條排隊龍出嚟等人以為好旺，下不為例，做一次老襯算。

今日晏晝去咗北角嘅道生麵館食午餐，呢間麵館雖然唔算好大，但勝在夠地道，充滿街坊風味！餐廳裝修簡單樸實，座位唔算多，但乾淨整潔，坐得幾舒服。我點咗個，牛腩煮得夠淋，入口即化，而且份量十足，湯底清甜得嚟帶少少藥材香，麵條彈牙，吸晒湯汁嘅精華，真係令人食到好滿足！朋友就試咗個，雲吞皮薄餡靚，蝦肉同豬肉嘅比例剛剛好，撈麵嘅豉油香氣撲鼻，麵質爽口，整體水準唔錯。另外，我哋仲試咗個，炸醬鹹香得嚟帶少少甜味，撈勻麵條一齊食，味道好豐富，再加埋青瓜絲，口感更加清爽。唯一美中不足嘅係，餐廳嘅座位比較擠迫，繁忙時間可能要搭枱。