影片
更多
2018-03-21
81 瀏覽
早兩個月見佢個海膽飯咁囂張就諗住同朋友嚟食，點知full哂。今次提早訂，終於有機會食到。上到Openrice講嘅地址18樓，原來餐廳範圍都幾細，唔怪得之咁難訂啦，但原來佢哋啱啱擴張咗，開到上20樓，所以比起以前易訂枱咗少少我哋被安排坐喺counter，可以睇住師傅準備食物［日本海葡萄蕃茄沙律，$128］沙律菜上面鋪滿哂海葡萄，而海葡萄嘅口感好似蟹籽咁，好爽脆，而且一查之下原來營養價值都好高，但除咗淡淡海水味之外就冇乜味，需要靠個醬汁呢個沙律配咗酸酸哋嘅日式醬汁，非常開胃。而粒蕃茄居然係非常驚喜，應該係我食過最甜嘅蕃茄（鬼咩，睇住師傅喺個印哂日文嘅箱度拎個蕃茄出嚟㗎，日本直送，質素有保證）［辣酒煮廣島蠔，$88］食咁多生冷嘢，叫個湯嚟暖吓胃都係一個幾好嘅選擇。湯汁微辣又帶少少甜味，而廣島蠔軟滑鮮甜，白蘿蔔亦煮得入味，整體非常鮮味，但就唔係好食到酒味［活赤貝（左）， $52 ；日本鮮帶子刺身（中），$58 ；活北寄貝（右），$248 ］三款貝類刺身色澤都好靚，非常新鮮。 活赤貝有濃濃嘅海鮮鮮甜味，加上極爽口口感，係我最愛嘅貝類刺身之一；帶子好巨型厚身，軟滑鮮甜；活北寄貝有手掌咁大，肉質厚而
早兩個月見佢個海膽飯咁囂張就諗住同朋友嚟食，點知full哂。今次提早訂，終於有機會食到。上到Openrice講嘅地址18樓，原來餐廳範圍都幾細，唔怪得之咁難訂啦，但原來佢哋啱啱擴張咗，開到上20樓，所以比起以前易訂枱咗少少
我哋被安排坐喺counter，可以睇住師傅準備食物
［日本海葡萄蕃茄沙律，$128］沙律菜上面鋪滿哂海葡萄，而海葡萄嘅口感好似蟹籽咁，好爽脆，而且一查之下原來營養價值都好高，但除咗淡淡海水味之外就冇乜味，需要靠個醬汁
呢個沙律配咗酸酸哋嘅日式醬汁，非常開胃。而粒蕃茄居然係非常驚喜，應該係我食過最甜嘅蕃茄（鬼咩，睇住師傅喺個印哂日文嘅箱度拎個蕃茄出嚟㗎，日本直送，質素有保證）
［辣酒煮廣島蠔，$88］食咁多生冷嘢，叫個湯嚟暖吓胃都係一個幾好嘅選擇。湯汁微辣又帶少少甜味，而廣島蠔軟滑鮮甜，白蘿蔔亦煮得入味，整體非常鮮味，但就唔係好食到酒味
［活赤貝（左）， $52 ；日本鮮帶子刺身（中），$58 ；活北寄貝（右），$248 ］三款貝類刺身色澤都好靚，非常新鮮。 活赤貝有濃濃嘅海鮮鮮甜味，加上極爽口口感，係我最愛嘅貝類刺身之一；帶子好巨型厚身，軟滑鮮甜；活北寄貝有手掌咁大，肉質厚而爽脆，食落鮮甜彈牙，帶淡淡海水味，即使係貴都值得
［珍寶牡丹蝦，$88］呢隻牡丹蝦真係好珍寶，唔洗旨意一啖可以食得哂！粉紅色嘅蝦肉，食落黏口嫩滑鮮甜，而蝦頭入面都有好多羔，好甘香，敢食蝦頭嘅人一定唔可以放過
［牛小排，$110］牛小排切成粒再串起，冇加太多調味，所以牛本身嘅味道都幾突出，蘸埋醬油食就係另一種風味。不過可惜燒得稍為有少少過火，如果係半生熟應該會更好味
［針魚，$238］非常佩服師傅嘅刀工，切得好靚，而且我哋見到師傅好細心地摸清楚，確保我哋唔會食到骨。雖然針魚油脂較少，食落冇甘醇嘅油香，但勝在肉質軟滑，味道鮮甜；醬汁內加咗蔥花，提鮮之餘亦可以僻走微微腥味
［日本馬糞海膽手卷，$178］師傅捧住一盤北海道馬糞海膽走嚟我哋面前整手卷比我哋，整個過程睇得好開心。開始前師傅會先問我哋食唔食wasabi，然後就喺紫菜上面先鋪咗赤醋飯，加啲wasabi，再鏟一整行馬糞海膽冚上去，然後掃上少少醬油，就直接交到我哋手上
真係要影張相嚟留住呢份幸福☺️海膽一入口隨即化開、甘香濃郁、甜度高，after taste持久不散。而赤醋飯比一般壽司飯味道更加香醇，更加襯托出海膽本身嘅鮮味，整個手卷真係令人回味無窮
［什錦天婦羅，$85］炸漿厚薄恰到好處，而且鬆脆唔油膩，每一件食落口都係清爽㗎！呢一份天婦羅有足足三隻大蝦，好抵食；另外仲有青椒、茄子、蕃薯等蔬菜，好豐富
張貼
