影片
更多
2021-12-31
1140 瀏覽
坦白講筆者好唔鍾意食放題，覺得比貴價錢用垃圾塞飽自己，但今次男友堅持放假要食一次，就揀咗多啲好評既極尚大喜屋。呢度比起其他放題餐廳闊落，兩個人都有卡位，亦都企理乾淨。飲品櫃款式幾多，難得既係有暖飲櫃，可以飲到暖暖地既紙包飲品，唔錯～時代進步咗，食放題都唔再劃紙仔，可以手機落單，食物種類多元化，連中式小炒都有，我地叫咗個薯仔牛柳粒，的的骰骰既放題份量，但炒出黎有鑊氣，薯仔粒外脆內軟，水準有驚喜。刺身方面帆立貝鮮甜，油甘魚都幾新鮮；火炙壽司都幾好食，鍾意佢壽司飯比較細舊，可以有quota試多幾款。呢度最出色應該係炸物同燒物，火候烚到好處，燒翠玉瓜唔會過燶，保留到大量水分，一咬就爆汁，爽～鍋物既用料都算豐富，牛肉唔韌，作為暖胃之選係唔錯既。如果想食放題既呢度係個唔錯既選擇
呢度比起其他放題餐廳闊落，兩個人都有卡位，亦都企理乾淨。
飲品櫃款式幾多，難得既係有暖飲櫃，可以飲到暖暖地既紙包飲品，唔錯～
時代進步咗，食放題都唔再劃紙仔，可以手機落單，食物種類多元化，連中式小炒都有，我地叫咗個薯仔牛柳粒，的的骰骰既放題份量，但炒出黎有鑊氣，薯仔粒外脆內軟，水準有驚喜。
刺身方面帆立貝鮮甜，油甘魚都幾新鮮；火炙壽司都幾好食，鍾意佢壽司飯比較細舊，可以有quota試多幾款。
呢度最出色應該係炸物同燒物，火候烚到好處，燒翠玉瓜唔會過燶，保留到大量水分，一咬就爆汁，爽～
鍋物既用料都算豐富，牛肉唔韌，作為暖胃之選係唔錯既。
如果想食放題既呢度係個唔錯既選擇
張貼
