鮨一 (厚福街)

營業中

休息中

日本菜向來係我同屋企人嘅至愛，朋友向我推薦呢間位於尖沙咀嘅日本料理，今日就決定帶埋屋企人去試下。我向來覺得食野本野，除左師傅嘅功力外，食材本身嘅質素亦非常重要。鮨一就係兩者俱備嘅好例子，雖然價錢並唔算平，但食物質素絕對高質。日本厚岸蠔我平日最鍾意食蠔，黎到呢度就叫兩隻蠔黎過下口癮。呢度嘅日本蠔非常大隻，食落海水味較淡，鮮味重，非常新鮮!赤貝刺身赤貝向來係我嘅至愛，呢度嘅赤貝都幾大隻，食落非常鮮甜 爽口，包紫菜食亦別有一番風味。銀雪魚西京燒呢度嘅銀雪魚都幾大塊，外層燒到香脆，入口則非常嫩滑，魚肉帶住淡淡嘅鮮味，非常好食。燒澳洲和羊架我好鍾意食羊肉，特別喜歡果種獨有嘅騷味。呢度嘅羊架個人覺得非常出色，師傅將火喉控制得岩岩好，羊架食落非常嫩，咬落有啖啖肉汁，亦充滿羊肉騷味，鍾意食羊嘅朋友唔好錯過!!日本大蔥雞肉呢個日本大蔥雞肉並唔算話好特別，大蔥食落都幾香口，再加埋啲燒汁一齊食都算唔錯。沖繩苦瓜呢個沖繩苦瓜十分之有驚喜!!本來我並唔鍾意食苦瓜，但因為媽媽鍾意食所以就叫左，但係點知非常好食。同一般嘅苦瓜唔同，沖繩苦瓜食落較苦，而回甘味亦較一般苦瓜重，先苦後甜嘅感覺非常明顯，我係食到停唔到口。鮨