雞翼山 (謝斐道) (已結業)

雞翼山 我成日都去食架！ 作為雞翼控 周不時睇下有咩最新雞翼口味試下～ 今次就去左試銅鑼灣店試下 次次我都必叫文青風玫瑰：沾滿玫瑰花瓣的糖漿，賣相極佳，玫瑰花瓣和香草味道突出，香氣四溢，味道香甜美味。跟住男朋友就叫左熱情果紅棗寶寶 (佢最鐘意叫啲怪野 ) 但今次竟然好有驚喜！個熱情果糖漿，入面有熱情果籽，陣陣果酸味，好開胃！！我就再叫左菠蘿啤酒麥香：呢個我覺得個配搭幾得意 濃厚的醬汁帶著淡淡的菠蘿啤酒的香味，再配上酸酸甜甜的鮮菠蘿粒，為較油膩的雞翼解除不少油膩感。最後 再叫左杯青蘋果薄荷冰綠茶：青蘋果跟薄荷味道出奇地夾，薄荷味較淡，充滿清新清爽的感覺，是清暑解渴的良品。