金樂軒雞煲魚鍋

營業中

休息中

平時食雞煲成日都會揀一啲任食既店，但今次朋友都想試下一啲比較高質素既雞煲，所以就諗住搵番一間係近東區就試下。我地叫咗一個重慶雞煲，因為朋友吾係好食得辣，所以就叫咗個小辣。一嚟到見到真係幾香，而且一隻雞既份量嚟講都幾足料，雞肉都幾入味。另外我地仲叫咗一個酸菜魚鍋，啲魚既質都好滑，同埋佢個鍋都吾算好酸，仲有好多菜係入面，所以都算係比較清，中和番雞煲既濃味。依間店有好多食物都係店員自己整既，例如炸魚皮、炸響玲，因為新鮮炸起就食，所以真係會比較脆。佢既雲吞都自己包架。個安格斯牛頸脊都好岀色，就咁望啲牛既花紋都好靚，仲要好少脂肪添。而且，打邊爐必食既羊都吾錯，吾會太陣羊膻味。仲有個墨魚滑都幾彈牙土魷魚牛丸佢個竹䉀茅根真係邊爐首選，又係店主自己煲既，仲要個味道係岩岩好，吾會太甜。