影片
更多
2009-03-19
14 瀏覽
呢日係我同老公結婚週年紀念，老公訂左呢間餐廳，不過佢係前一日先至訂位，都未致於網友講到要一個月前訂位咁誇張，亦都無話要落訂。訂位果時唔記得話要sofa seat，夜晚先再打去同佢講。但聽電話果個話sofa seat 可以request，但未必有，因為sofa seat 係for四人，要睇晒d booking 先決定到俾唔俾到我地。我地訂左七點，但六點九就去到了，有sofa seat，但係門口果張，係圓形果隻sofa seat，我地想換裡面果張，但原來已俾人訂左，佢話一係叫我地要一排長形果隻，咁唔好喇，圓形果隻有 privacy d，咁就算啦，鬼叫自己遲訂無講明...所以門口就門口吧！入到去坐左一陣，未有人招呼，但係有waitress 行黎行去架喎，無理由連水都唔問人要唔要架嘛，真係摸不著頭腦等左一陣，見到有個男waiter，老公叫佢，問佢係咪可以隨時開始，佢好好笑容，介紹左個餐牌俾我地，出面d野，可以隨時開始，我地隨時出去無問題，但因日本野係即叫即整，所以俾左個餐牌我地，隨時落order，落幾多次都得，呢個男waiter，好好笑容，好好招呼，仲見我地連水都未有，問我地要凍水定暖水，又叫
我地訂左七點，但六點九就去到了，有sofa seat，但係門口果張，係圓形果隻sofa seat，我地想換裡面果張，但原來已俾人訂左，佢話一係叫我地要一排長形果隻，咁唔好喇，圓形果隻有 privacy d，咁就算啦，鬼叫自己遲訂無講明...所以門口就門口吧！
入到去坐左一陣，未有人招呼，但係有waitress 行黎行去架喎，無理由連水都唔問人要唔要架嘛，真係摸不著頭腦等左一陣，見到有個男waiter，老公叫佢，問佢係咪可以隨時開始，佢好好笑容，介紹左個餐牌俾我地，出面d野，可以隨時開始，我地隨時出去無問題，但因日本野係即叫即整，所以俾左個餐牌我地，隨時落order，落幾多次都得，呢個男waiter，好好笑容，好好招呼，仲見我地連水都未有，問我地要凍水定暖水，又叫我地等等，轉頭暖熱d麵包拎過黎，又俾個 drink list 我地睇，我同老公一早諗到叫紅酒，話晒一年一次，所以我諗住叫，因我平時唔飲酒架，一年一次高興下啦，我地睇左一陣，叫返頭先果個 waiter 介紹一隻易入口，甜味重d ge，我地叫左兩杯。
隔左一陣，紅酒到喇，原來杯裝好細杯架咋...隻杯就大，但得1/4杯，老公話早知叫一枝啦
跟住麵包到了，一盤都有好多個，俾埋雞心醬我地，話係搽麵包用，我地於是出在去拎湯。出去行左一圈，其實唔係好多野食，湯只得忌廉湯同麵豉湯，我地拎左忌廉湯，好好飲，d麵包，我地只係食左脆脆果d咋，仲有幾個大包都無食到，費事食唔落野...
野食方面，有自製蔬菜沙律，好多種醬，我地只試左凱撒醬；巴馬火腿，個廚師全程都係度片，無停過手，加蜜瓜哈蜜瓜，好味，(呢樣我平時唔多食架)；仲有凍龍蝦仔，好大隻，蝦都好大隻，蟹腳，好好味，好新鮮\；蠔有兩種，個廚師唔停手全程係咁開，好新鮮，但唔肥美，好細隻，仲好重海水味好咸添，不過我地都拎左兩轉
熱葷方面，有d應該係印度薄餅之類ge野，好薄好脆，好好味，有唔同種類ge配，羊架，curry 牛，鴨胸，仲有幾種唔記得左，全部都好味。
中式熱葷，得蒸東星，瑤柱西蘭花，切雞扒小棠菜，仲有d飯麵，我地無食飯麵，其他熱葷都係不過不失。
仲有煙三文之類，八爪魚粒&三文魚粒等，我地無興趣，所以無食。
日式野，我地叫左兩round，有刺身，爐端燒，鐵板燒，天婦羅，拉麵(是日是叉燒拉麵)
刺身，好新鮮，唔似其他酒店只得壽司，又俾人揀黎揀去亂晒。
鐵板燒，我地叫左肉眼，但老公話係牛柳黎咋喎... 不過不失
爐端燒，我地只叫左蘑菇同粟米，好好食，想再order，但個肚果時已經擠唔落喇，仲未食甜品...
天婦羅，我地只叫左軟殼蟹同南瓜，雖然佢係即炸，但好油....
拉麵，我地無叫到。
我地食下停下，抖左一陣，就去拎甜品喇，甜品好多選擇，可惜食唔晒，同真係好甜。
講返佢地ge招呼，除左剛坐低未有人招呼外，整體上都算幾好架喇，d waiter & waitress 見我地影相有時自拍，都幾次主動問我地要不要幫手。好多出面d餐廳，邊度會理你丫
可惜我見唔到果個男waiter 個名牌，否則我會寫意見信表揚一下 因為佢真係好好笑容，行開行埋都睇下我地有無需要，又問我地d野ok不ok、d酒得唔得等等...
提提大家，如果去洗手間，請小心，裡面好黑，小心跌親~~
其實全場都唔係好爆，我諗係經濟唔好，唔係咁多人捨得食咁貴ge自助餐吧。
是次每人$495+10%(buffet 未計紅酒)，其實野食就唔係好值，係食個環境o者~~~
咁ge時勢，唔係特別日子，都未必會再去lu~~
張貼