影片
更多
2022-06-17
422 瀏覽
在疫情的期間，的確有不少的食肆因為生意轉淡而被迫關閉；但同時也有不少的食店以不同的綽頭，包括食物質素﹑主題﹑打卡點等等去努力吸引唔同年齡層既食客光顧。今日小編與老公就黎到香江花月去試下佢地主打既養生美顏湯底先!香江花月佐敦店既位置又係非常方便，由佐敦站裕華國貨出口，上地面後轉右，經過連鎖化妝品店既燈位後，舉高頭就會即刻望到火鍋店既名稱，非常容易辨別。上到2樓一出升降機就會見到架打卡用既人力車 (雖然無得坐上去有點可惜)，非常吸晴。用餐途中與店員傾開，原來佢地既設計想將大家帶返去50年代既舊香港，一邊享受邊爐既感覺同時也感受到以前多姿多采既個種華洋風尚文化。入座後無耐店員就先為大家準備一小碗暖暖既茉莉花雪梨，響富有特色既碗加入雪梨茶，令碗內既金魚變得栩栩如生，好似識郁既感覺! 而雪梨茶偏向淡口，作為清新自己既喉嚨迎接之後既食物既感覺非常好。茉莉花雪梨後，店員都簡單介紹佢地既主打湯底包括牛乳玫瑰鍋﹑金箔清酒海鮮鍋﹑初菊龍井雞鍋。諗諗下小編對酒既興趣唔大，而雞鍋其實相對唔少地方都有以雞為主打既湯底，所以小編就試下牛乳玫瑰鍋 ($168)，另外見到餐單內有非常吸引 - 以不同既牛牛牛部位作為配
香江花月佐敦店既位置又係非常方便，由佐敦站裕華國貨出口，上地面後轉右，經過連鎖化妝品店既燈位後，舉高頭就會即刻望到火鍋店既名稱，非常容易辨別。
上到2樓一出升降機就會見到架打卡用既人力車 (雖然無得坐上去有點可惜)，非常吸晴。用餐途中與店員傾開，原來佢地既設計想將大家帶返去50年代既舊香港，一邊享受邊爐既感覺同時也感受到以前多姿多采既個種華洋風尚文化。
入座後無耐店員就先為大家準備一小碗暖暖既茉莉花雪梨，響富有特色既碗加入雪梨茶，令碗內既金魚變得栩栩如生，好似識郁既感覺! 而雪梨茶偏向淡口，作為清新自己既喉嚨迎接之後既食物既感覺非常好。
茉莉花雪梨後，店員都簡單介紹佢地既主打湯底包括牛乳玫瑰鍋﹑金箔清酒海鮮鍋﹑初菊龍井雞鍋。諗諗下小編對酒既興趣唔大，而雞鍋其實相對唔少地方都有以雞為主打既湯底，所以小編就試下牛乳玫瑰鍋 ($168)，另外見到餐單內有非常吸引 - 以不同既牛牛牛部位作為配搭既香江拼 ($788)，另外就試下佢地既三色餃($88)以及三色墨魚丸($78)吧；另外去完自助醬料區後，發覺已經開始肚餓之下，都點選左炸豆腐粒以及飲品，下文再詳細介紹。
等左大約10分鐘左右，率先到達既就係牛乳玫瑰鍋既湯底 - 雪白既色澤未試都已經覺得好吸引，響玫瑰作為色彩上既調劑下，實際會令味道更豐富既材料就係玫瑰花下既南瓜，小編會極力建議大家先飲牛乳湯底，因為暖暖既牛乳味會令你更有食慾去享受之後既食物，同時留意到店員加添湯底個陣會用返上湯，當然希望品嚐到最濃感覺既話就係而家喇。
由於鍋底幾深而會令初滾所需要既時間更長，小編就趁機報告下小食同飲品先：
1) 炸豆腐粒：爽脆而唔油膩，似乎係即刻而有隔油先送到我地面前，所以利用牛奶湯底中和既感覺好好。
2) 翠竹江 ($68)：利用枇杷葉﹑鹹柑桔以及薄荷葉而製成既飲品。或者你會覺得類似薄荷青檸梳打既感覺，但實際上鹹柑桔既角色能夠令你有更潤喉既感覺，響清新口腔去迎接其他食物個陣會幫到更多。
3) 瑰洛月 ($88)：利用洛神花﹑玫瑰花以及蘋果而製成既飲品 - 當你一見到由洛神花所製成既玫瑰花冰個陣，相信呢杯飲品都已經成為打卡位，同時又唔會因為有太多冰水既關係而令味道變淡。小編覺得洛神花味道相對唔算太濃而有特別既酸味，怕酸既朋友可以唔洗太擔心。
打卡既過程中到重點既食物 - 香江拼到左喇! 小編見到個份量都稍為寒一寒，因為香江拼每款牛肉既配搭同份量都似乎適合3-4人用，所以大家之後點選個陣都可以留意返。
香江拼包含以下既幾款牛既部位：a) 手切肥牛：推介。唔同好薄切既情況下佢地用心將牛捲成花花既形狀，又係個令人吸晴既時刻吧。手切牛特色就係稍為涮一涮就食得，肉質幾嫩滑，而可能係因為牛乳湯底既關係，建議大家沾少少醬料再食，會令牛既肉味更加突出；
b) 牛柳粒：可以。牛柳粒係比較難控制生熟既食材，所以小編都建議響湯滾既情況下去煮，會令牛肉更容易熟透而食得滿足。
c) 安格斯肥牛：非常推薦。肉味濃厚，入口個陣雖然無手切牛咁嫩滑但勝左有強烈既牛肉味，塊數唔多所以大家要珍惜品嚐喇。
d) 牛展：推介。牛展涮既方法好簡單 - 基本上只要見到佢邊位開始收縮就即刻可以食。亦因為牛展既部位問題，食個陣有充足既筋鍵位等你有強烈既口感。
e) 牛白肉：非常推薦。牛白肉係牛心臟附近既肉，所以其他每隻牛可提供既牛白肉量唔多。而大家亦唔好以為包括心臟既肉一定係肥脂肪 - 當你輕輕涮完後，食落去應該會覺得有偏滑既肉質，唔會咁易令你有罪惡感架。
f) 牛心頂：非常推薦。牛心頂 - 以小編理解應該係喉嚨附近既位置，都係稀少既部位。但食個陣有少少軟膠/軟骨既感覺令你覺得好有新奇感。
g) 黑柏葉：推介。稍為涮涮就已經會熟，食個陣雖然與一般牛柏葉既質感差唔多，但黑柏葉會更爽脆。
h) 牛脷：推介。牛脷既話小編就覺得唔駛沾醬而直接煮熟後即食就可以。今晚小編試既呢個品種就好多牛香，唔算薄切既情況下好有嚼口。
食左一輪既牛肉後已經令小編與老公都覺得有飽肚感覺，不過仲有三色餃同三色墨魚丸既關係，都要繼續努力!
三色餃由黑松露長腳蟹餃﹑芝士鮮菌餃﹑以及野生松茸餃而製成，顏色既配搭相信會令你非常容易分辨款式。長腳蟹餃最令小編深刻，因為餃既肉入面的確會見到一定數量既蟹肉；而芝士鮮菌餃食個陣唔算有太強既芝士味，反而會令你同松茸餃既味道有少少混淆。
至於三色墨魚丸方面，當見到「鹹蛋黃」「黑松露」「蟹子」呢3個配搭個陣，就即刻令小編非常期待，因為3款都係濃味既選擇下，結果當然係由每啖都感覺到有蛋黃粒既鹹蛋黃勝出；而黑松露未入口已經聞到陣陣香味而令人印象深刻；至於蟹子份量比一般蟹子包心餃等既多很多，但始終濃味上仍有少少既距離。
經過大約2個鐘既努力後，小編與老公終於食哂喇! 響呢個時候，大家可以出去正門旁既右方等候區，其實入面有間隱蔽既房仔有夜光波波打卡位呢!
題外話/補充資料：
之前去訂枱個陣，店員都溫馨提示我地預約會比較滿既關係，所以唔會有即時入座既服務；但臨走時店員告知原來荃灣廣場已經開左新分店，之後約其他鍾意火鍋而又住得遠個陣就可以多個好選擇! 亦希望可以分散到少少人流等更加多既朋友可以試到啦。
(以上食評乃用戶個人意見 , 並不代表OpenRice之觀點。)
張貼
