花楽 (翩滙坊) (已結業)

今日去將軍澳探朋友，之後佢請我在她家附近飲下午茶，去到先知係一間日式餐廳，裝修好雅緻，望住落地大玻璃窗外一片綠油油的樹景，令人豁然開朗，心曠神怡。兩位女士，當然係嘆吓餐廳嘅招牌日式下午茶喇！侍應先送上我哋點嘅水果茶，用小蠟燭保溫，水果茶加上蜜糖，酸酸甜甜，好開胃。日式下午茶係由一個三層嘅陶碗裝住鹹點，另加一個金色似鳥籠的層架裝住壽司、日式點心和和菓子，擺盤好靚，用鮮花作裝飾，顏色配搭亦都好和諧。鹹點我最愛鱈魚乾，點沙律醬食，少少脆帶魚的鮮味，好好食。波子壽司外型好靚，上加少少金箔，好豪華。佢嘅日式和菓子都做得好好，日式蕨餅加上綠茶粉，不太甜，帶綠茶微香，入喉好舒服。 至於小丸子，QQ的，配十勝紅豆蓉一起吃，味道真係好夾。英式下午茶食得多，今次改吃日式的下午茶，感覺好特別，最主要嘅係餐廳環境好舒服，好適合與朋友相聚，度過一個優閒的下午。