好時沙嗲

營業中

休息中

尋晚去到尖東行街求奇入左個叫好時中心既地方雖然個商場無咩野行，都無咩人流但行行下竟然見到有間餐廳都幾多人，仲要等位於是就把心一撗咁決定同朋友試下我同朋友叫左三樣野，海南雞飯，沙爹串燒同香茅雞飯。首先講下個海南雞飯，唔係普通白飯而係油飯，幾特別！雞就皮薄嫩滑，點埋佢地既豉油就一流，湯就平平凡凡啦。之後個沙爹串燒就一般般，無咩特別，當小食都okay既，如果少燒d時間應該會仲好食！至於個香茅雞飯都幾新鮮，幾有星加坡既風味，不過如果鐘意食清淡既人，就唔太建議叫呢個，都幾重口味。整體黎講，都不過不失，有機會都會再try下!