Burger Joys (第一街)

營業中

休息中

近排興食burger,星期六去開西環，朋友介紹呢間隱世小店唔錯，就試一試。我地點了兩個burgers、兩個小食同埋飲品。芝士牛肉漢堡- 牛肉漢堡標榜安格斯牛肉，食落好有牛肉。呢度嘅burger全部即叫即做，熱辣辣，芝士微溶，配上生菜、蕃茄、紫洋蔥同埋酸青瓜。一口咬下全部餡料，味道一流。魚柳漢堡- 炸魚非常大塊，而且炸粉唔厚，炸得很香脆，魚柳很厚肉，肉質滑嫰，配沙律。漢堡配料同樣有芝士、生菜、蕃茄和紫洋蔥，味道一樣好正。經典水牛雞翼- 雞翼炸得香噴噴，辣得惹味。配菜有紅蘿蔔和西芹條，跟藍芝士醬，芝士味濃嘅清新小食。洋蔥圈- 炸得很好，很脆，不會吸滿油。炸粉厚度適中，洋蔥甜，配茄汁食，很好的傾計小食。飲品方面，我地叫左椰青水，食完d香口熱氣食物，飲清甜椰青水好舒服。