幸屋

營業中

休息中

每逢星期日下晝放學自己一個人去食lunch/tea，其中一樣最鍾意既野食就係拉麵。拉麵絕對係一個人食都唔會尷尬。今次就去左灣仔既【幸屋】。同平時好多拉麵店唔同，地方比較寬敞，而且樓底好高。同我以前係美國一間好鍾意既拉麵店好相似。坐得都好舒服。 黑松露元貝赤鷄胸湯拉麵：所有拉麵都可以自己選擇點樣搭配。我就選擇左幼面、正常硬度、濃湯、正常香油、多葱。其他叉燒拉麵仲可以選擇叉燒位置。湯底濃而不膩，唔會食到個口油笠笠。拉麵軟硬適中。鷄胸肉有好多片，非常滑嫩juicy，味道偏淡，但同湯一齊食就ok。元貝有彈性，黑松露個量都算ok。個人覺得算係性價比高，又好食既拉麵！ 芝士年糕：炸左既芝士年糕，外面脆，裏面超級軟同流心，非常新鮮熱辣。旁邊搭配左煉奶，鹹鹹甜甜好正！ 而且店員超級nice，有機會會再去一次！