睿和牛燒肉 (已結業)

之前試過睿居酒屋🏮食物質素相當高❗️而睿和牛燒肉正正係居酒屋旁邊，店內有四張大枱，亦有可以拉動既抽風系統。除左燒肉，餐廳亦提供各類小食、壽司及炸物等，而且食材新鮮。🔸 前菜：支豆 $28哩到既支豆同之前係居酒屋食過既一樣，係用甜豉油浸住，比較濕潤，係我好鍾意既小食～🔸鱈魚魚干 $68鱈魚魚干燒得香脆，配有蛋黃醬，香口好食，好岩送酒。🔸深海池魚薄切 $268池魚質感清爽，入口味道鮮甜，已經淋上微酸既醬汁，清新好食。🔸赤背刺身 $88赤背超級新鮮，質感爽彈，而且超鮮甜，好食推介👍🏻🔸秋刀魚刺身 $168秋刀魚係而家時令既食材，而且餐廳做法亦好花心思，以秋刀魚配上香蔥及醃蘿蔔，增添口感，旁邊仲提供薑蓉醬油。🔸雜錦天婦羅 $288天婦羅款式多樣，有冬菇、海蝦、雞髀菇、紫蘇葉、南瓜、番薯及池魚，炸皮薄身，而且唔會油膩。🍣壽司海鯛 $70 @2油甘魚 $70 @2吞拿魚背 $110 @2日本海膽 $220 @2吞拿魚腩 $240 @2海鯛肉質軟腍，油甘魚肉質較爽，兩者味道同樣鮮甜；吞拿魚背及吞拿魚腩同樣新鮮富油脂。🔥燒肉/海鮮和牛三角嫩肉 $388和牛嫩肋眼上蓋 $368和牛上肩肉 $368松葉蟹甲