榕華燒鵝餐廳小廚 (已結業) 查看

上星期約左朋友去佐敦high tea, 吾知食咩好，行行下去左渡船街附近，見到間茶記有燒味食，心思思想食碗鵝乃，就入去試下，下午茶時段客人吾系好多，剛好有卡位坐，吹水最好，我叫左碗鵝米（因為冇瀬粉！頂），凍0茶，我朋友就食干牛河，食物好快就上齊，賣相一般茶記feel啦。但食一啖鵝，（嘩嘩嘩）鵝皮仲系脆既，鵝肉暖既，肯定新鮮燒出來冇耐，味道非常好，夠味，比深井果D好成條街，最重要系燒鵝瀬茶餐只系收33蚊，凍飲加2蚊，非常超值，同大記快餐都差不多，而我朋友叫左個干牛河，即炒出來夠曬鑊氣，下午茶份量，我朋友都讚口不絕，話D牛夠滑，炒得吾多油，吾系容易既！酒樓都未必有這水準，讃！坐左個幾鐘再整件西多，夠曬皮. 不過這間茶記要去真系要有緣份，吾系好找！望去佐敦海皮有成好幾座奶黃色既舊大廈就系了！果度有好多野食。 見到裡間茶記仲有魚缸，夜晚有海鲜小炒，下次一定吹雞來！見餐牌海鮮吾貴，好平民價，下次食完再報告！