SAKEH

營業中

休息中

這間位於尖沙咀天文臺道的隱世日式串燒餐廳，話就話隱世，但係就非常多人，時常滿座！餐廳有bar枱亦有普通座位，串燒即叫即燒，十分新鮮！泉橋秋蜻蜓山田錦純米酒，食串燒當然要飲返杯sake，這款清酒香氣穩重，酸度細緻，味道個人覺得都幾甘口！汁燒雞冠，在香港真係好難食到雞冠，而這間餐廳有得食當然不可以錯過！雞冠爽口，塗上日式燒汁，十分惹味！雞肝，口感綿綿，雖然帶有少少苦味，但塗上燒汁，甜甜的，味道幾正！鳥腳根，這個部位食落非常爽口，口感十足！雞翼，這裡的雞翼是全翼，雞皮燒到脆卜卜，雞肉嫩滑juicy！自家製免治雞肉軟骨，雞肉軟骨串點上蛋汁，食落更滑身，雞肉串內有大量軟骨，食落爽口，非常惹味！厚切牛脷 ，牛脷非常厚切，食落啖啖肉，用上鹽和黑椒調味，味道十分正！南非鮑魚，鮑魚用鹽稍稍調味，食落爽口彈牙，而且味道都幾鮮甜！地蛤，有點像蜆肉，不過比蜆大隻好多，用上蔥花和木魚絲調味，食落味道好鮮甜！燒生蠔，生蠔脹卜卜，味道鮮甜又多汁，不錯！七味魚翅，這款小食最岩用來送酒，食落脆身得黎又有魚肉，口感豐富！燒飯團，飯團外層燒到有飯焦，味道甜甜地，包上紫菜味道美味！