神燈海鮮酒家 (18廣場)

營業中

休息中

唔睇介紹都唔知佐敦有間上樓中菜，環境係走古式風格，坐位闊落，而且野食都幾出色！星洲麥皮蝦～必點菜式，呢度煮得幾有水準，又唔會好油膩，蝦身大隻，加埋辣辣地又有咸蛋香嘅麥皮一齊食，真係好香口同惹味，食剩嘅麥皮仲可以撈白飯食。黑豚叉燒～叉燒顏色同賣相都好有光澤好吸引，入口甜甜地，肉質肥瘦比例啱啱好！煮得好高水準！蜜椒金薯牛肝連～牛肝連即係封門柳，食落特別嫩滑，黑椒味又夠，連啲薯仔都煮到好粉好惹味！金湯海皇豆腐～豆腐係好嫩滑，但係個汁淡咗少少，稍為少少失望。神燈小炒皇～呢個味道好有驚喜！甜得黎又有少少辣，配料唔係一般嘅小炒皇，用上四季豆、油條、豬板腱、蝦乾等等！呢個餸酒一流！