影片
更多
2022-10-10
13 瀏覽
前幾日辣癮起，去咗食呢間出名食四川嘢嘅小店，見佢有唔係度度都有得食嘅麻辣乾鍋食，個樣又幾正宗下，終是就試一試佢，順便挑戰下自己食辣嘅程度🤣🌶 招牌香鍋（自選五餸） $234佢嘅香鍋係任君選擇形式，不論辣度定係配料，都可以自己控制，豐儉由人💁🏻♀️ 本身香鍋$26，我哋揀咗麻辣微辣，嗌咗豬頸肉($48)、田雞($48)、沙白($46)、魷魚鬚($38)同蓮藕($28)。一開始見到咁多辣椒都驚會好辣，但食落又剛好(唔食得辣又要食辣😛)，小小麻同時又幾香，特別鍾意佢個田雞，炒得夠乾身，但肉質又唔會太鞋，如果份量再多啲就更好😗🌶 涼拌黃金皮蛋 $48嗜辣嘅人一定要試呢道小食，辣得嚟非常惹味🥵 皮蛋黃有少少流心，質感夠Q彈，幾高質🙌🏻🌶 京蔥羊肉 $108食咁多辣野都要嗌返樣唔辣嘅balance返，於是嗌咗呢碟京蔥炒羊肉，羊肉幾嫩口，帶少許羶味，再配上麼麼皮包住一齊食，別有一番風味😋 不過佢啲麼麼皮好易凍，要盡快食用！🥤 飲品唔係幾食得辣嘅我哋當然要嗌返杯凍嘢飲，我哋分別嗌咗百香果檸檬茶($36)同埋金桔檸檬茶($28)，兩杯都屬於酸酸甜甜嘅飲品，除咗開胃之餘，仲好啱解辣添😌總括而言，呢間小店果
🌶 招牌香鍋（自選五餸） $234佢嘅香鍋係任君選擇形式，不論辣度定係配料，都可以自己控制，豐儉由人💁🏻♀️ 本身香鍋$26，我哋揀咗麻辣微辣，嗌咗豬頸肉($48)、田雞($48)、沙白($46)、魷魚鬚($38)同蓮藕($28)。
一開始見到咁多辣椒都驚會好辣，但食落又剛好(唔食得辣又要食辣😛)，小小麻同時又幾香，特別鍾意佢個田雞，炒得夠乾身，但肉質又唔會太鞋，如果份量再多啲就更好😗
🌶 涼拌黃金皮蛋 $48嗜辣嘅人一定要試呢道小食，辣得嚟非常惹味🥵 皮蛋黃有少少流心，質感夠Q彈，幾高質🙌🏻
🌶 京蔥羊肉 $108食咁多辣野都要嗌返樣唔辣嘅balance返，於是嗌咗呢碟京蔥炒羊肉，羊肉幾嫩口，帶少許羶味，再配上麼麼皮包住一齊食，別有一番風味😋 不過佢啲麼麼皮好易凍，要盡快食用！
🥤 飲品唔係幾食得辣嘅我哋當然要嗌返杯凍嘢飲，我哋分別嗌咗百香果檸檬茶($36)同埋金桔檸檬茶($28)，兩杯都屬於酸酸甜甜嘅飲品，除咗開胃之餘，仲好啱解辣添😌
總括而言，呢間小店果然出名食乾鍋，炒得好惹味，同埋佢個辣我覺得都幾正宗下💁🏻♀️ 其實除咗乾鍋之外，佢仲有好多唔同嘅川式小菜，例如酸菜魚咁，都好想試試佢😋 而且價錢唔算貴，下次要再過嚟幫襯先得！
張貼
