隨心 (已搬遷) 新店位置

朋友之前介紹話位於鰂魚涌海光街嘅「隨心」係自創新派星馬菜非常好食，今日星期日就吾煮飯走去試試食個晚飯先，入到餐廳光猛闊落坐得好舒服，服務周到！招牌酸菜魚（二人份）$198 招牌酸菜魚鮮香味濃，酸辣開胃，麻同酸味道好平衡，魚肉份量足亦非常新鮮，食到魚嘅鮮甜，嫩滑得嚟又唔會散晒，食得出師傅功夫了得除咗酸菜同魚，仲有菇類同大量薯粉墊底索晒啲湯汁好入味黑蒜煎牛柳粒$88 牛柳粒嫩而不膩，香氣滿溢，肉汁豐富，再配埋黑蒜醬嘅香甜，倍加美味荔枝灣咕嚕肉$128 咕嚕肉炸粉夠薄，外酥內軟還能保持肉質鮮嫩，再加上荔枝肉嘅甜，食落酸酸甜甜好滋味好開胃，超正青檸梳打$28/杯 微微酸少少甜，可口好飲