隨心 (已搬遷) 新店位置

隨心所欲。今日好隨心咁嚟到隨心食晚飯。好多野食，但都係好隨心咁點咗幾個菜。隨心係食馬拉菜嘅，所以揀咗個藥材肉骨茶，招牌海鮮叻沙。等咗一陣先上個招牌海鮮叻沙。相當足料，味道非常好，個粉掛到好多湯汁，濃而不膩，食到無停嘴。個叻沙入面有扇貝一大隻，鮮蝦等等，好足料，物超所值。兩杯飲品都幾正，尤其白色呢杯，好似叫pure,應該係梳打水加奶，仲有青蘋果🍏同菠蘿🍍肉骨茶，勁大一煲，味道香濃，飲得多都唔會話有味精味，會口渴。起碼有4大碗。排骨肉夠稔，唔會乾柴柴。啫啫芥菜，火候十足，超卓。另外一提，服務非常好。