影片
更多
2017-01-12
568 瀏覽
呢間一直以來都深受各界年齡層既歡迎，各個都會遠到而來，一嘗佢既菜式。但係事與願遺，我今次食完真係完全唔會想再黎食，簡直劣食啊！1. 薑蔥魚腩煲啲魚腩炸得好厚粉，份量又小，而且成煲都係油，味道尚可。但係由於佢太油，食左一 兩嚿已經唔想食了2. 南乳炸碎雞炸雞既粉好厚，而且火喉太猛，啲肉質變到好老。雞肉入面只有好輕微既南乳味，並唔好食。佢有提供南乳醬汁，但係好鹹，同啲老雞肉完全唔夾3.魚湯蝦乾浸時菜魚湯完全唔特別，無濃郁既湯味，蝦乾食落無味道，普通餸一碟4. Wasabi手撕雞（凍食）所謂招牌菜之一，佢係有好重既wasabi味道，但撈得唔均勻，一啲辣一啲唔辣5. 醉翁烏頭（凍食）醬汁用酒整的，本身第一次食好重酒味，之後食落融和左落去，但係酒我自己覺得同魚唔係好夾，因為啲酒會搶左魚既鮮味提提大家如果仲想去試既話，由於接近新年，佢既一至五特價小菜就無左，想食既話要用番正價好味指數：😋😋😋
呢間一直以來都深受各界年齡層既歡迎，各個都會遠到而來，一嘗佢既菜式。但係事與願遺，我今次食完真係完全唔會想再黎食，簡直劣食啊！
1. 薑蔥魚腩煲
啲魚腩炸得好厚粉，份量又小，而且成煲都係油，味道尚可。但係由於佢太油，食左一 兩嚿已經唔想食了
2. 南乳炸碎雞
炸雞既粉好厚，而且火喉太猛，啲肉質變到好老。雞肉入面只有好輕微既南乳味，並唔好食。佢有提供南乳醬汁，但係好鹹，同啲老雞肉完全唔夾
3.魚湯蝦乾浸時菜
魚湯完全唔特別，無濃郁既湯味，蝦乾食落無味道，普通餸一碟
4. Wasabi手撕雞（凍食）
所謂招牌菜之一，佢係有好重既wasabi味道，但撈得唔均勻，一啲辣一啲唔辣
5. 醉翁烏頭（凍食）
醬汁用酒整的，本身第一次食好重酒味，之後食落融和左落去，但係酒我自己覺得同魚唔係好夾，因為啲酒會搶左魚既鮮味
提提大家如果仲想去試既話，由於接近新年，佢既一至五特價小菜就無左，想食既話要用番正價
好味指數：😋😋😋
$120
39 瀏覽
0 讚好
0 留言
張貼
