錦丼 (iSQUARE國際廣場) (已結業)

朋友好鍾意食日本野，提議到Isquare的錦丼飯聚。去到已經見到佢坐定定等我，店內人流不多，或者是地點比較難找吧。店內格調非常日式，由門面都水吧都隱藏充滿日系裝飾。我有點傷風，想食少少熱野，所以放棄左招牌的魚生飯，反而點左一個牛肉鍋，追加劍魚腩刺身過一過口癮。牛肉壽喜鍋上店睇頭不足，湯汁太多浸過材料面，開頭有少少失望。點知食落都有驚喜！湯汁甜甜的很好入口，牛肉有好多好足料而且食落生鮮牛味濃。配上生雞蛋，牛肉不用點醬汁已經好好食。配菜都不少，當中豆腐好滑比較難忘，食到落底仲比我發現滑滑的粗粉絲。追加刺身十分抵食，劍魚腩都只係$38一客。佢地師傅用了較薄切的刀功（但不是慳料。因為他只是把3塊切成6塊），魚腩有油脂香但無油膩感。朋友點了招牌的魚生丼同燒牛舌，我就無試到喇，但賣相唔錯，而佢評價都頗高唯一係價錢唔算平，但尖沙咀中心地段，算是頗合理吧。