榕記車仔麵 (已結業)

今日又番到將軍澳獨食 開餐時間係大概下午茶時間 😊 岩岩經過呢一間車仔麵 養生湯車仔麵係佢地既主打 我都試過 的確係好味 但其他食物既質素又高晤高呢？ 今日就黎試下佢其他車仔麵啦❣️❣️總共有三款晤同既車仔麵 有平有貴以兩餸黎講由三十至四十五蚊不等 視乎你用邊一款湯底今日一心試養生湯以外既野 所以今次選擇係最平既麻辣湯 少辣 二餸 外加一隻糖心蛋醬爆福州丸用料新鮮 食到好香既豬肉味 但真係會爆汁 要小心啲食呢一個配料選擇左豬軟骨 做得幾入味 但應該煮既時間未夠 部分骨咬晤開糖心蛋係我all time favourite基本上有得叫既鋪頭 我都會試下 呢間有少少失望 上色晤平均 賣相差左少少 內部只做到流心 做晤到糖心 另外侍應對衛生意識有啲不足 食緊麵會拎個地拖吸冷氣機倒汗水 希望多加留意