影片
更多
2017-05-15
13261 瀏覽
阿一呢個名，細細個睇電視時成日都見佢賣廣告。不過從來都未食過，今次都係第一次嚟食由於世伯生日，所以我地一行六個人一於食好啲，叫咗個阿一鮑魚豪華宴（半席）。先嚟富臨四小碟，雖然叫小碟，份量都唔算細。呢碟燒汁牛坑腩片炆得唔錯，油花分佈平土均，食落一啲都唔韌，食落好軟熟。椒鹽鮮魷食落唔油膩，外層鬆脆之餘，入面仍然保持到魷魚嘅爽滑！呢個滷水珍肝荳腐相對前兩個前菜嚟講，比較普通，同一般潮州店食到嘅差不多，無乜驚喜！松茸菰鹿茸螺頭燉湯超足料，味道好鮮甜，飲得出真係煲咗好耐，唔係溝水之後到鮑汁遼參扣鵝掌菜膽拌，鵝掌炆得非常軟腍，近乎入口即溶；而海參入口爽口、富有彈性，好容易就可以咬斷嚼爛，啱晒老人家食。呢條東星班又係抵讚嘅，蒸嘅時間恰度好處，係啱啱熟嘅狀態。肉質嫩滑，唔洗一陣就比我地食清光！鮑汁遼參扣鵝掌菜膽拌好啱老人家食，鵝掌炆得超腍，近乎入口即溶！而遼參就爽滑有咬口，配埋個鮑汁，令到味道再升高一個層次之係係燒雲腿鴿蛋龍蝦球，請恕我學識淺薄，咁大個女都係第一次食鴿蛋，一開始食以為隻蛋唔熟，所以蛋白係半透明。但切開中間一睇，發現蛋黃係熟嘅！正當我地好奇緊廚師點煮，先可以令到蛋黃熟，而蛋白唔熟嘅時候，
由於世伯生日，所以我地一行六個人一於食好啲，叫咗個阿一鮑魚豪華宴（半席）。
先嚟富臨四小碟，雖然叫小碟，份量都唔算細。呢碟燒汁牛坑腩片炆得唔錯，油花分佈平土均，食落一啲都唔韌，食落好軟熟。
椒鹽鮮魷食落唔油膩，外層鬆脆之餘，入面仍然保持到魷魚嘅爽滑！
呢個滷水珍肝荳腐相對前兩個前菜嚟講，比較普通，同一般潮州店食到嘅差不多，無乜驚喜！
松茸菰鹿茸螺頭燉湯超足料，味道好鮮甜，飲得出真係煲咗好耐，唔係溝水
之後到鮑汁遼參扣鵝掌菜膽拌，鵝掌炆得非常軟腍，近乎入口即溶；而海參入口爽口、富有彈性，好容易就可以咬斷嚼爛，啱晒老人家食。
呢條東星班又係抵讚嘅，蒸嘅時間恰度好處，係啱啱熟嘅狀態。肉質嫩滑，唔洗一陣就比我地食清光！
鮑汁遼參扣鵝掌菜膽拌好啱老人家食，鵝掌炆得超腍，近乎入口即溶！而遼參就爽滑有咬口，配埋個鮑汁，令到味道再升高一個層次
之係係燒雲腿鴿蛋龍蝦球，請恕我學識淺薄，咁大個女都係第一次食鴿蛋，一開始食以為隻蛋唔熟，所以蛋白係半透明。但切開中間一睇，發現蛋黃係熟嘅！正當我地好奇緊廚師點煮，先可以令到蛋黃熟，而蛋白唔熟嘅時候，伯母就開始講，原來鴿蛋熟咗就係咁嘅樣蛋白會係半熟明嘅！哈哈！真係大鄉里出城
鵝肝焗蟹蓋入面超多蟹肉，除咗蟹肉外，仲有洋蔥、蛋、芝士，食落味道好融洽，唔錯！
富臨脆皮雞無乜特別，基本上都係酒樓菜，味道中規中矩 。
最後當然又係美點雙輝，由於太飽，我已經食唔落，不過佢地話味道都OK嘅，唔差！
總括而言，成餐飯世伯都好滿意，唯獨價錢確實有啲偏貴，但一年一次嘅生日飯，開心就無所謂吧
張貼
