胡爐 (已結業)

同幾個朋友係銅鑼灣行完街，晚飯時間又到，決定去打邊爐。我地4個人，入到去，見到枱上D餐具都幾華麗，周圍牆上面仲有D小朋友畫嘅聖誕咭！（咁早就宣傳聖誕節？）睇完餐牌，我哋點左火焰龍蝦海鮮煱（398），真係一分錢 一分貨，隻龍蝦都有小前臂咁大，仲有D花蛤、蜆、番茄.....個湯真係幾鮮幾好味。至於主菜就叫左頂級霜降牛肉粒，同埋半隻本地農場新鮮雞件。牛肉粒好濃牛味，雞件一食就知係新鮮雞，兩樣野都夠水準。其餘仲叫左鱔片、枝竹、皇帝菜、烏冬、午餐肉，其中我比較喜歡午餐肉有八件，砌到成個塔咁，都幾得意！野食吾係叫得好多，食材夠新鮮，不過都夠飽，都幾Ok!