八幡屋日本料理 (已結業)

今日阿囡帶我來食飯佢知我鍾意食刺身同蠔，專登上網搵間有蠔嘅放題比我食！日式放題如果有得任食蠔其實冇乜邊間有，呢間仲有升級放題，加少少錢就可以食個質素高好多的～阿囡話今晚一於豪一豪佢！請晒我地全家人食升級放題！大蝦刺身係我最欣賞嘅因為每隻差不多有手掌咁大而且十分厚肉，啖啖肉我就最鍾意食！蝦頭有人話唔食得，其實刺身夠新鮮嘅話完全無問題的！呢間放題刺身夠新鮮，所以我都可以安心去食！呢度嘅生蠔係用小匙羹放的，可以俾你一口就食咗，唔使驚有殻碎！如果海水味重些就重正喇！細佬唔係好鍾意食生野，所以佢就叫左好多壽司！佢最喜歡嘅就係呢個創作壽司，好似平時出街高級壽司店嘅質素鰻魚壽司唔會有骨，夠大件又多汁，幾有水準！甜品仲有雪米糍，我哋每人都起碼食咗兩粒！呢度竟然有之前網上好興嘅日本甜品，<水信玄餅>估唔到可以喺度食到～好似水造咁，入邊仲有小櫻花，絕對係誠意十足～估唔到放題都有咁多心思整甜品，為我地今日嘅家庭聚會來個甜甜的句號!