翠林辣蟹舫

營業中

休息中

友人放工收得晏而且想食蟹，諗起尖沙咀呢度有間辣蟹舫幾出名又開到晚上12點，決定帶佢黎呢度試試，用openrice訂枱，可以8折揀其中一款蟹，仲會送半隻上海醬鴨，感覺幾抵食。今次我地就點咗黃金流沙蟹，蟹上面佈滿超多咸蛋脆脆，剝好嘅蟹肉加埋啲脆脆一齊食勁過癮，撈埋飯口感超豐富，好出色！上海醬鴨感覺有啲似食臘鴨，煙熏味濃，味道較咸，但感覺幾特別。拍蝦啫啫菜心，店員即時撈勻熱辣辣，食落幾惹味，咬落去爽脆無渣。