影片
更多
2017-06-21
6671 瀏覽
上個月老豆生日，佢特別指明想再食欣圖軒。唔洗我諗就最好了，立即book位仲訂埋半打壽包，諗住俾個驚喜佢。當晚獲安排窗口位置，坐位較側，景色一般，但老豆話夠靜都幾好。坐低叫完茶，侍應拎來免費前菜「白醋蘿蔔」同「琥珀合桃」。蘿蔔清新爽口，合桃香脆，非常開胃。端來既醬汁都有六款，唔係款款食，好似有點浪費。當晚總共點左九道菜紅梅燒官燕燕窩上鋪上生拆蟹肉和蟹羔，賣相吸引。高湯濃郁令燕窩滲透鮮味也不失滑溜。鹹燕窩是考功夫既菜色，因要令無味的燕窩入味，功序甚多，所以我地好滿意呢道菜。脆釀鮮蟹蓋好多酒店中菜廳都有鮮蟹蓋，但欣圖軒做的是最出色。外皮香脆，用叉了開見到一梳梳蟹肉，加入洋蔥絲，味道非常協調。XO醬豆乳白露荀伴鹽燒和牛配帕馬臣上台時侍應會端上食款芝士俾你揀，我地揀左巴馬臣。我地覺得和牛味道太濃掩蓋左芝士味，所以並不推薦。薑蔥海蜇頭雞絲冷盤，岩夏天食，而且好大碟。覺得蘿蔔紅蘿蔔絲先係主角，酸酸甜甜，食落chap chap聲。海蜇好厚身爽口，好食。但雞絲不夠滑。蜜汁黑豚叉燒用黑豚制，半肥瘦，食落鬆化，帶燒焦脆邊，蜜汁香甜，齒頰留香好似係咁解。想直接食叉燒食到飽，加碗白飯不得了。花膠燉響螺叫左兩款燉
當晚獲安排窗口位置，坐位較側，景色一般，但老豆話夠靜都幾好。坐低叫完茶，侍應拎來免費前菜「白醋蘿蔔」同「琥珀合桃」。蘿蔔清新爽口，合桃香脆，非常開胃。端來既醬汁都有六款，唔係款款食，好似有點浪費。
當晚總共點左九道菜
紅梅燒官燕
燕窩上鋪上生拆蟹肉和蟹羔，賣相吸引。高湯濃郁令燕窩滲透鮮味也不失滑溜。鹹燕窩是考功夫既菜色，因要令無味的燕窩入味，功序甚多，所以我地好滿意呢道菜。
脆釀鮮蟹蓋
好多酒店中菜廳都有鮮蟹蓋，但欣圖軒做的是最出色。外皮香脆，用叉了開見到一梳梳蟹肉，加入洋蔥絲，味道非常協調。
XO醬豆乳白露荀伴鹽燒和牛配帕馬臣
上台時侍應會端上食款芝士俾你揀，我地揀左巴馬臣。我地覺得和牛味道太濃掩蓋左芝士味，所以並不推薦。
薑蔥海蜇頭雞絲
冷盤，岩夏天食，而且好大碟。覺得蘿蔔紅蘿蔔絲先係主角，酸酸甜甜，食落chap chap聲。海蜇好厚身爽口，好食。但雞絲不夠滑。
蜜汁黑豚叉燒
用黑豚制，半肥瘦，食落鬆化，帶燒焦脆邊，蜜汁香甜，齒頰留香好似係咁解。想直接食叉燒食到飽，加碗白飯不得了。
花膠燉響螺
叫左兩款燉湯，明明名唔同，但味道是一樣的。我諗個湯頭都係一樣的。花膠同響螺都好大塊，食完好飽。
香酥雜菌腐皮卷
腐皮卷炸得酥脆但唔會油淋淋，裏面既雜菌濃味，咬落多汁，推介。
鮑魚花膠絲撈麵
用貴食材煮一個麵，個汁煮得好稠，食每一柱麵都配上花膠絲，幾好食。但個人唔鐘意食鹼水麵，如果可以揀配伊麵就正。
壽包
高級食肆都慣用乾冰將甜品上枱，但d乾冰都好快噴完，但呢個噴煙噴左勁耐。侍應仲擔心效果唔夠要搵個蓋蓋住，老豆揭起嗰下真係幾夢幻同驚喜。雖然200蚊六個壽包都幾貴，但佢display得咁好，見到老豆咁開心咩都抵哂。
頭已側嗎
值得讚是服務好貼心，幫我地鋪上乾淨枱布，換好熱茶先上壽包。每人都用溫暖笑容同老豆講生日快樂，長輩最鐘意呢d。最後餐廳仲送上生果盤同甜品，又有香片茶帶走，又食又拎，我地覺得開心。米芝蓮二星呢個頭銜係令人信服既，覺得可以再黎。
張貼
