影片
更多
2021-05-21
27 瀏覽
今次嚟到位於長沙灣嘅蘇山雞飯，早幾日經過見到有間新開嘅星馬菜幾特別，而且長期都好多人排緊隊等緊外賣🙈忍唔住搵一日入黎試吓佢到底咩料🤪❶鴛鴦海南雞飯 $75依個套餐包咗海南雞、油飯、迷你肉骨茶😍海南雞係隨機雞嘅部位✨ 呈金黃色，入口好滑溜，雞皮雞肉間有啫喱，肉質夠晒柔嫩，而且充滿油香！估唔到雞油飯先係精華，每一粒都充滿雞油嘅香，但食落一啲都唔覺得油膩！個人十級推薦呢個飯🌟而佢側邊仲有三款醬汁可以點，各有特色，最推薦一定係酸辣醬，夠哂開胃😋至於白胡椒肉骨茶味道重胡椒 而不是偏藥材味 所以味道較清淡而容易入口✨ 適合大眾飲用 入邊仲有兩舊大大嚿嘅骨 肥瘦分明 比例啱啱好 同埋兩舊豆卜 吸收晒湯嘅精華🌟❷ 馬拉盞炒椰菜苗 $45椰菜苗比較少見🙈不過口感好爽口！好適合咁樣炒馬拉盞😆如果嚟到不妨試吓！ 味道方面 雖然加咗少許紅椒同埋辣椒爆炒但味道唔算好辣 反而傾向重鹹味🤪 略嫌有啲過鹹 要嗌多杯嘢飲止渴🥲不過個菜嘅口感真係好正😆❸ 超冰凍椰青 $35個人私心推薦🌟一定必嗌椰青！係呢個咁炎熱嘅天氣 嗰陣行到嚟都成身汗🥵頂唔順嗌返杯椰青解渴 一嚟到發現超級冰凍😻(就咁摸個椰青殼都發現好凍) 一飲第一啖
❶鴛鴦海南雞飯 $75
依個套餐包咗海南雞、油飯、迷你肉骨茶😍海南雞係隨機雞嘅部位✨ 呈金黃色，入口好滑溜，雞皮雞肉間有啫喱，肉質夠晒柔嫩，而且充滿油香！
估唔到雞油飯先係精華，每一粒都充滿雞油嘅香，但食落一啲都唔覺得油膩！個人十級推薦呢個飯🌟而佢側邊仲有三款醬汁可以點，各有特色，最推薦一定係酸辣醬，夠哂開胃😋
至於白胡椒肉骨茶味道重胡椒 而不是偏藥材味 所以味道較清淡而容易入口✨ 適合大眾飲用 入邊仲有兩舊大大嚿嘅骨 肥瘦分明 比例啱啱好 同埋兩舊豆卜 吸收晒湯嘅精華🌟
❷ 馬拉盞炒椰菜苗 $45
椰菜苗比較少見🙈不過口感好爽口！好適合咁樣炒馬拉盞😆如果嚟到不妨試吓！
味道方面 雖然加咗少許紅椒同埋辣椒爆炒但味道唔算好辣 反而傾向重鹹味🤪 略嫌有啲過鹹 要嗌多杯嘢飲止渴🥲不過個菜嘅口感真係好正😆
❸ 超冰凍椰青 $35
個人私心推薦🌟一定必嗌椰青！係呢個咁炎熱嘅天氣 嗰陣行到嚟都成身汗🥵
頂唔順嗌返杯椰青解渴 一嚟到發現超級冰凍😻(就咁摸個椰青殼都發現好凍) 一飲第一啖 係超級透心涼！再加上椰青本身已經好消暑🌬所以飲完之後成個人即刻舒服咗好多😂(本身熱到就嚟暈低) 就算成餐飯食到最後 摸一摸個椰青都仲係好凍❄️！所以真係超級大家推薦夏天飲🙈
➍ 青檸菠蘿梳打水 $25
由於太口渴嘅關係忍唔住飲多杯嘢飲🤫一嚟到係俾咗個有冰、青檸、菠蘿嘅杯 然後另上梳打水🤪梳打水超級夠氣！飲落去嗰種感覺好似打完波飲一杯汽水(嗰種舒服)😹而且飲極都仲有好多汽！由於梳打水嘅關係所以一啲都唔甜！啱晒怕甜但想飲有汽飲品嘅我✨
❺鮮檸檬薏米水 $19
檸檬薏米感覺好去水腫🤣🤣入口唔會好甜，杯上仲掛住左舊檸檬比你自行調配酸度😆而且仲好多薏米，每粒都飽滿有咬口🤤凍凍地都幾消暑😆😆
總括嚟講試完覺得質素確實唔錯😆而且招牌嘅海南雞飯同埋白胡椒肉骨茶確實值得一試！小食同飲品亦都幾出色！
張貼
