影片
更多
2023-01-11
23 瀏覽
*香鍋麻辣小辣*呢個香鍋最多可以叫五個餸，我哋就叫咗牛肉片、雞件、魷魚鬚、鵪鶉蛋同萵筍，而個辣度我哋就叫咗小辣，炒出嚟幾香，味道亦都唔會偏鹹，牛肉片幾淋口，有牛肉味，雞件就係咁多樣餸入面最入味嘅一樣，食落好惹味，魷魚鬚都好新鮮好爽口，個鵪鶉蛋就最特別，因為佢係炸過㗎！食落去個表面好似炸魚蛋咁，口感好得意，萵筍就正正常常，整體嚟講佢啲份量都唔少，值得試下！*孜然牛肉跟嬤嬤皮*呢個孜然牛肉跟咗一份嬤嬤皮，嬤嬤皮口感煙煙韌韌，包住牛肉同洋蔥食，好有層次感，牛肉嘅孜然味唔會太搶而蓋過牛肉味，味道不錯*藤香雞*呢個藤香雞係冷盤嚟嘅，雞件幾滑，而且加咗滕椒有少少麻麻哋嘅感覺，幾過癮*百香果凍檸茶*平時出街飲百香果嘅飲品多數都係用糖漿沖出嚟，而呢個百香果凍檸茶竟然係用新鮮百香果調製，而且加上凍檸茶呢個配搭都幾夾，想嗌飲品呢杯都係一個唔錯嘅選擇
*香鍋麻辣小辣*
呢個香鍋最多可以叫五個餸，我哋就叫咗牛肉片、雞件、魷魚鬚、鵪鶉蛋同萵筍，而個辣度我哋就叫咗小辣，炒出嚟幾香，味道亦都唔會偏鹹，牛肉片幾淋口，有牛肉味，雞件就係咁多樣餸入面最入味嘅一樣，食落好惹味，魷魚鬚都好新鮮好爽口，個鵪鶉蛋就最特別，因為佢係炸過㗎！食落去個表面好似炸魚蛋咁，口感好得意，萵筍就正正常常，整體嚟講佢啲份量都唔少，值得試下！
*孜然牛肉跟嬤嬤皮*
呢個孜然牛肉跟咗一份嬤嬤皮，嬤嬤皮口感煙煙韌韌，包住牛肉同洋蔥食，好有層次感，牛肉嘅孜然味唔會太搶而蓋過牛肉味，味道不錯
*藤香雞*
呢個藤香雞係冷盤嚟嘅，雞件幾滑，而且加咗滕椒有少少麻麻哋嘅感覺，幾過癮
*百香果凍檸茶*
平時出街飲百香果嘅飲品多數都係用糖漿沖出嚟，而呢個百香果凍檸茶竟然係用新鮮百香果調製，而且加上凍檸茶呢個配搭都幾夾，想嗌飲品呢杯都係一個唔錯嘅選擇
張貼
