Sodam Chicken (已結業)

呢間炸雞呢都幾受歡迎，所以等位都要啲時間。咁餐廳嘅空間呢都尚算闊落，就唔會太迫。咁我哋真係叫咗個二人餐，咁呢就有個烤雞，冷麵同炸蝦。烤雞就可以揀兩隻味，咁我就揀咗紫菜同埋鹹蛋味，咁呢個烤雞都好味嘅，雞槌啲雞肉就好滑，鹹蛋味都好香濃，紫菜味都好出色，一路食一路痴返d紫菜落去，好味。 另外個冷麵都非常好食，而且分量好多，基本上兩個人食曬嘅話，係會超級飽嘅。但個炸蝦就麻麻地，佢落粉太多，但肉就唔算多，好在都仲算食得出蝦味。