影片
更多
2021-07-20
551 瀏覽
Bookmark咗好耐嘅Mother of Pizzas，因為只接受三人或以上嘅訂位，聽講walk-in要排隊排好耐，唔鍾意排隊嘅我拖咗好耐終於嚟咗食。星期六大概6:15pm嚟到，排前面有四張枱，排咗大概半個鐘先入座。餐牌有多款pizza同意粉選擇。我哋兩個人叫咗一個13吋pizza同蒜蓉包。由於pizza係即叫即製，所以都等咗十五分鐘先有得食。首先上枱嘅係媽媽香蒜焗麵包，一上枱就聞到勁香蒜味。表面鋪滿Mozzarella芝士，芝士份量多有拉絲效果。每片麵包都好多蒜蓉好足料，食落有部份蒜比較生，所以有少少辣，非常惹味。想味道再豐富啲可以蘸蕃茄醬一齊食，蕃茄醬味道偏酸夾埋食感覺無咁膩。Pizza口味有多款選擇，好多款都好吸引！而且可以揀一半一半雙拼，價錢會收取較貴嘅口味。Pizza分為六塊，每塊都好大好多料。餅底薄，邊位就厚啲，批邊食落煙韌有咬口愛的夏天 Summer of Love 1967有菠蘿、肉丸、谷巴火腿同意大利肉腸，面頭淋咗帶有辣椒味嘅蜜糖。Pizza加菠蘿根本就好好味，同蕃茄醬底係個好好嘅配搭，再加上餐廳用嘅係新鮮菠蘿，而非罐頭糖水菠蘿，食落帶點爽口又清新。谷巴火腿同意大利
餐牌有多款pizza同意粉選擇。我哋兩個人叫咗一個13吋pizza同蒜蓉包。由於pizza係即叫即製，所以都等咗十五分鐘先有得食。
媽媽香蒜焗麵包
267 瀏覽
0 讚好
0 留言
首先上枱嘅係媽媽香蒜焗麵包，一上枱就聞到勁香蒜味。表面鋪滿Mozzarella芝士，芝士份量多有拉絲效果。每片麵包都好多蒜蓉好足料，食落有部份蒜比較生，所以有少少辣，非常惹味。想味道再豐富啲可以蘸蕃茄醬一齊食，蕃茄醬味道偏酸夾埋食感覺無咁膩。
愛的夏天1967 & 超級撒亞人肉腸
45 瀏覽
0 讚好
0 留言
Pizza口味有多款選擇，好多款都好吸引！而且可以揀一半一半雙拼，價錢會收取較貴嘅口味。Pizza分為六塊，每塊都好大好多料。餅底薄，邊位就厚啲，批邊食落煙韌有咬口
愛的夏天1967
44 瀏覽
0 讚好
0 留言
愛的夏天 Summer of Love 1967有菠蘿、肉丸、谷巴火腿同意大利肉腸，面頭淋咗帶有辣椒味嘅蜜糖。Pizza加菠蘿根本就好好味，同蕃茄醬底係個好好嘅配搭，再加上餐廳用嘅係新鮮菠蘿，而非罐頭糖水菠蘿，食落帶點爽口又清新。谷巴火腿同意大利肉腸帶鹹香，但味道唔會過鹹
超級撒亞人肉腸
219 瀏覽
1 讚好
0 留言
另一半係超級撒亞人肉腸 Pepperoni Super Saiyan，同樣係蕃茄底，配上pepperoni、mozzarella cheese同意大利羊奶芝士，仲有羅勒葉。食落啖啖pepperoni同香濃芝士味，比較重口味。鍾意食香草嘅我稍嫌羅勒葉太少，如果多啲就更好。
最後蒜蓉包食唔晒打包拎走，第二日焗返熱食都一樣咁好味下次會再去試下其他口味嘅pizza。
張貼
