影片
更多
2019-02-11
145 瀏覽
見個個食評都係好食唔好食，唔再comment咁多啦，反而想寫d大家要注意、餐廳方面可改善嘅嘢.....年初二第一次去，兩點半左右去到，排到轉彎位，因為有小朋友，都想睇吓10分鐘後有冇起息先再決定繼唔繼續排隊，10分鐘、15分鐘後都入到3-4張枱，咁試吓等啦，終於45分鐘後可以入座。想講講排隊個轉彎位係女厠入口，如果男士企喺度等位會有d尷尬，因為起碼都要等一段時間，商場同餐廳應該諗諗點樣可以做好d。好多人都唔知，入座後要自行到cashier落order，因為cashier個counter成日都無人喺度，要企喺度一陣先有人serve；而我哋落order嘅時候可能個waitress心急想去派餐，我哋未講完佢手指已經㩒咗入機，re-confirm 都無，快速比完錢返埋位先check到佢入錯咗杯飲嘢，但個cashier已經無人，唔知去咗邊度，搵到另一個waiter問，佢話要睇吓整好未先，我心諗：你哋落錯order要我飲埋佢？ 好彩未整好，可以改單，唔係嘅話可能要硬食。建議餐廳可以放個鈴鈴喺cashier，等有人㸃餐/詢問時可以alert到。15:22 落order: 3份pancakes +
年初二第一次去，兩點半左右去到，排到轉彎位，因為有小朋友，都想睇吓10分鐘後有冇起息先再決定繼唔繼續排隊，10分鐘、15分鐘後都入到3-4張枱，咁試吓等啦，終於45分鐘後可以入座。想講講排隊個轉彎位係女厠入口，如果男士企喺度等位會有d尷尬，因為起碼都要等一段時間，商場同餐廳應該諗諗點樣可以做好d。
好多人都唔知，入座後要自行到cashier落order，因為cashier個counter成日都無人喺度，要企喺度一陣先有人serve；而我哋落order嘅時候可能個waitress心急想去派餐，我哋未講完佢手指已經㩒咗入機，re-confirm 都無，快速比完錢返埋位先check到佢入錯咗杯飲嘢，但個cashier已經無人，唔知去咗邊度，搵到另一個waiter問，佢話要睇吓整好未先，我心諗：你哋落錯order要我飲埋佢？ 好彩未整好，可以改單，唔係嘅話可能要硬食。建議餐廳可以放個鈴鈴喺cashier，等有人㸃餐/詢問時可以alert到。
15:22 落order: 3份pancakes + 4杯飲品， 10分鐘嚟幾杯drinks先，30分鐘後，幾杯嘢都差不多飲完都未上pancake，有d火，但見到排喺我哋前面嗰「六人家庭」都未上pancake，唯有睇定d，佢地應該等得耐過我哋；「六人家庭」終於開口問waiter：點解佢地遲過我哋入座但係咁快有pancake? 侍應解釋完兩句，聽到其中一位「六人家庭」的婆婆回應：哦！原來我哋呢d係平民黎嘅！！
事緣原本有個6人卡位清潔後，我哋以為會比我哋入座（我哋5個人），點知waiter跟手放咗個reserve牌，安排我哋搭枱坐，跟著5分鐘後有2位打扮闊太feel嘅女士入座6人卡位，而唔夠5分鐘已經有2份pancakes上咗闊太張枱，不禁令「六人家庭」同我都懷疑同不滿；跟著「六人家庭」投訴完後過咗2-5分鐘，「六人家庭」嗰6份pancakes都陸續上枱；到16:10 見到闊太第3份pancake 都上埋，但佢哋本身果2份仍未食完，我都終於頂唔住要問waiter，得到嘅答案係佢地係VIP guests，之前落咗pre-order，所以佢哋d嘢食會快d上，理論完一輪當然無符，我都知唔關侍應事，但都要佢地知道食客係睇到有問題。我哋亦明白原來我哋d order會因為咁而遲上枱，原本我哋嘅食品係會比VIP先，亦明白隔離嘅婆婆點解咁回應。
其實佢地整pancake嘅時間已經好慢，15分鐘先出得2份pancakes，只見侍應好似好忙咁成日週圍走、㩒電腦，終於16:15 我哋上第一份pancake，50幾分鐘太耐了，相信後來餐廳都加速，之後10分鐘上埋我哋另外2份；其實menu寫20分鐘製作時間有d誤導，就算我走嘅時候侍應同我哋躹哂躬道歉，都無得補番d時間，但最睇唔過眼就係2位闊太仍然喺度慢慢嘆。
呢間聲稱日本嘅pancake店登陸香港，我相信如果喺日本應該唔會安排到咁樣，著重VIP多於平民，not Japan style，建議餐廳可另設一處VIP room，起碼唔使比其他食客見到，指指點點；或者開一個私家煮食爐同廚師，比VIP guest專用。
而平民食客亦要有心理準備，可能要用雙倍時間等餐，所等嘅時間係用喺其他VIP度，因為當日我走嘅時候都有2個reserve 牌放喺不同嘅枱面，相信都好多熟客會幫趁，睇吓自己好唔好彩！
利申：本人不是餐廳老闆或員工，只是一介平民。
張貼