影片
更多
2023-12-24
50 瀏覽
今日同 Friend 去銅鑼灣行街，之後想搵啲嘢食下，就見到呢間價錢親民貼地嘅放題，呢間放題有別於一般嘅日式放題店，除咗提供日式嘅食物之外，仲有泰式。同行嘅朋友對泰國嘢好有興趣，我就同咗佢一齊食返餐啦！🍱晚市放題 $259 (可加$118升級生蠔、帶子)🦪生嘢嘅水準唔錯，全部嘢都係新鮮嘅☺️尤其係海膽嘅質素好高，超級鮮甜！跟住我哋就喺手機嘅QR code嗰度開始點嘢食啦～食物嘅種類都算好多，大致分為刺身、燒壽司、一口壽司、炸物同埋串燒等等。落咗單之後就出咗去睇吓自助吧嗰度有咩前菜可以拎，點知好驚喜啊！發現有賴尿蝦，其他地方真係未見過！跟住我哋點咗啲熟食同埋壽司已經開始上枱啦！🍢當中我特別推介呢度嘅串燒類，我點咗牛肉串燒同埋雞肉串燒都係同樣好味，全部都係即叫即少而且燒得啱啱好啲肉唔會好老，仲好嫩！泰式燒元貝好唔錯！我encore咗幾次😋🍣呢度啲壽司size全部都係細細件，做得好精緻好容易入口！等我哋可以試多幾個唔同嘅款😋🍰至於甜品方面，除咗有雪條之外，仲可以任性自家製嘅甜品同埋啫喱。啫喱同埋布甸都係獨立包裝，衛生之餘，味道亦都唔錯！而銅鑼灣呢個地段嚟講，呢一間嘅放題店可以話係物超所值，坐位
🍱晚市放題 $259 (可加$118升級生蠔、帶子)
🦪生嘢嘅水準唔錯，全部嘢都係新鮮嘅☺️尤其係海膽嘅質素好高，超級鮮甜！
跟住我哋就喺手機嘅QR code嗰度開始點嘢食啦～食物嘅種類都算好多，大致分為刺身、燒壽司、一口壽司、炸物同埋串燒等等。
落咗單之後就出咗去睇吓自助吧嗰度有咩前菜可以拎，點知好驚喜啊！發現有賴尿蝦，其他地方真係未見過！跟住我哋點咗啲熟食同埋壽司已經開始上枱啦！
🍢當中我特別推介呢度嘅串燒類，我點咗牛肉串燒同埋雞肉串燒都係同樣好味，全部都係即叫即少而且燒得啱啱好啲肉唔會好老，仲好嫩！泰式燒元貝好唔錯！我encore咗幾次😋🍣呢度啲壽司size全部都係細細件，做得好精緻好容易入口！等我哋可以試多幾個唔同嘅款😋
🍰至於甜品方面，除咗有雪條之外，仲可以任性自家製嘅甜品同埋啫喱。啫喱同埋布甸都係獨立包裝，衛生之餘，味道亦都唔錯！
而銅鑼灣呢個地段嚟講，呢一間嘅放題店可以話係物超所值，坐位闊落，而且價錢相宜，絕對值得黎試吓！
張貼
