影片
更多
2022-09-10
755 瀏覽
我哋算係常客，鍾意幫襯呢間係因為佢哋個主廚雲師傅好。今日經OpenRice訂位。去到先知原來雲師傅放假，那位帶位嘅K經理呢，首先嚟過咩都唔關佢事？話說我只不過問咗一下雲師傅今日唔喺度嗎？呢位K經理呢就阿吱阿咗講雲師傅放假有私人野我哋都決定唔到。OK明白師傅要放假冇所謂！都搵我哋喺OpenRice訂位嘅Booking嘅時候呢同樣嘅呢K經理耍太極話OpenRice嘅Booking有陣時唔準，佢見唔到我嘅Booking！我從來喺OpenRice訂枱未試過話唔見Booking嘅，咁我首先以為自己老人癡呆唔記得咗訂枱啦，即刻開OpenRice show俾佢睇，但佢都仍然阿吱阿咗話OpenRice嘅Booking唔準確，我同朋友兩個只可以互相反白👀！跟住俾咗位我哋坐係餐廳中間，我哋係頭兩個到餐廳坐嘅客人。跟住陸陸續續另外兩組客人都到咗啦，斟茶阿姐俾咗第三組同第二組客人水都冇俾我哋茶水，唔緊要啦可能見唔到我哋坐正喺餐廳中間掛？吩咐阿姐比茶水阿姐即刻送到！未正式食嘢之前呢位為K經理再繼續喺我側邊念經！我帶咗支酒係準備下一次雲師傅喺度嘅時候飲嘅，叫呢位K幫我保存住，佢不斷喺我耳邊吱吱浸浸，大概我嘅理解係
今日經OpenRice訂位。
去到先知原來雲師傅放假，那位帶位嘅K經理呢，首先嚟過咩都唔關佢事？話說我只不過問咗一下雲師傅今日唔喺度嗎？呢位K經理呢就阿吱阿咗講雲師傅放假有私人野我哋都決定唔到。OK明白師傅要放假冇所謂！
都搵我哋喺OpenRice訂位嘅Booking嘅時候呢同樣嘅呢K經理耍太極話OpenRice嘅Booking有陣時唔準，佢見唔到我嘅Booking！
我從來喺OpenRice訂枱未試過話唔見Booking嘅，咁我首先以為自己老人癡呆唔記得咗訂枱啦，即刻開OpenRice show俾佢睇，但佢都仍然阿吱阿咗話OpenRice嘅Booking唔準確，我同朋友兩個只可以互相反白👀！
跟住俾咗位我哋坐係餐廳中間，我哋係頭兩個到餐廳坐嘅客人。跟住陸陸續續另外兩組客人都到咗啦，斟茶阿姐俾咗第三組同第二組客人水都冇俾我哋茶水，唔緊要啦可能見唔到我哋坐正喺餐廳中間掛？吩咐阿姐比茶水阿姐即刻送到！
未正式食嘢之前呢位為K經理再繼續喺我側邊念經！我帶咗支酒係準備下一次雲師傅喺度嘅時候飲嘅，叫呢位K幫我保存住，佢不斷喺我耳邊吱吱浸浸，大概我嘅理解係唔方便呀唔得呀咁上下啦！跟住我叫佢打俾雲師傅睇吓點，並且要求佢唔好再喺我耳邊吱吱浸浸，因為真係好Q煩。未見過一個咁同餐廳倒米嘅經理，我朋友同我差啲想起身就走啦！
食嘢方面同埋環境就不嬲都保持非常之好嘅水準，所以非常值得抵讚！
我同朋友食到接近尾聲，見到有兩位女士大概兩點多到餐廳，唔知發生咩事見到其中一位女士不斷同K先生爭論，只係隱約聽到K先生的態度仍然咁大支野！
最後我同朋友點了兩杯咖啡，阿姐帶住兩杯咖啡經過K先生後邊，點知K先生截住阿姐要俾我哋嘅兩杯咖啡佢側邊兩位女士，阿姐面有難色， 並且告訴K兩杯咖啡係我哋嘅，但K一意孤行，點知佢身邊兩位女士話「我冇要咖啡喎！」K即刻唔識得反應！其實最樣衰嘅唔係杯咖啡俾我先定係比側邊兩位女士先，又或者K唔想我哋飲咖啡，最樣衰嘅係成個過程俾我同朋友都親眼目擊！而呢位K亦都知道我哋親眼目擊，因為中間佢堅持要比咖啡側邊兩位女士嘅時候，佢睇住我望住佢！真係未見過咁唔識大體嘅所謂經理！
希望餐廳可以更加提升服務質素，教下一啲所謂經理對客人態度好啲，唔好同間餐廳倒米啦，同埋做啲鬼鼠野唔好咁明顯俾個客見到！識做啲咪生意好啲囉！
張貼