影片
更多
2015-11-27
2497 瀏覽
上星期Sogo血拼人，同幾個愛拼才會贏嘅好友瘋狂購物，滿載而歸。係大殺四方過後，終於都感受到幾分肚餓。大家二話不說就行過對面金百利開餐。女仔嘅，當然就會揀食日本野。我地揀咗位於7樓嘅築地日本料理。因為時候尚早，仲未有人排隊，好快就可以坐底抖吓，鬆弛一下腳底。見到四人前$588，睇落幾抵食，諗都唔洗諗，就叫咗呢個set。跟餐有四杯特飲，我就點咗凍綠茶牛乳，味道剛好，仲有啲苤芽係入面，飲落健康d。腦海入面不期然諗起“如果太多牛奶味，綠茶味又無碇企，等到綠茶味道返番黎，牛奶味又唔爭氣~” 再黎嘅係刺身拼盤，有三文魚，甜蝦，北寄貝，立魚，重係有一板海膽~~海膽甘香，真係百吃不厭。大家你爭我奪，成為最快被K.O.的一款刺身。甜蝦大隻，鮮甜。真他嘅刺身質素亦相當好。再黎係第二樣推介，松露和牛溫泉玉子沙律。未開始食已經聞到好香嘅黑松露味。將玉子篤破再搞均，令每塊生菜都包滿蛋香同松露香。和牛粒粒代替咗平時嘅煙肉碎，提升沙律口感。卷物有兩款，分別係海膽炸蝦卷，同芒果牛油果卷(應該係，除非唔係)。單靠menu上清水心跳同青龍兩名，真係唔會估到係咩，真係要食咗至知。及後重點有石燒鰻魚炒飯，石頭窩夠熱，窩底有
見到四人前$588，睇落幾抵食，諗都唔洗諗，就叫咗呢個set。
跟餐有四杯特飲，我就點咗凍綠茶牛乳，味道剛好，仲有啲苤芽係入面，飲落健康d。腦海入面不期然諗起“如果太多牛奶味，綠茶味又無碇企，等到綠茶味道返番黎，牛奶味又唔爭氣~”
再黎嘅係刺身拼盤，有三文魚，甜蝦，北寄貝，立魚，重係有一板海膽~~
海膽甘香，真係百吃不厭。大家你爭我奪，成為最快被K.O.的一款刺身。
甜蝦大隻，鮮甜。真他嘅刺身質素亦相當好。
再黎係第二樣推介，松露和牛溫泉玉子沙律。未開始食已經聞到好香嘅黑松露味。將玉子篤破再搞均，令每塊生菜都包滿蛋香同松露香。和牛粒粒代替咗平時嘅煙肉碎，提升沙律口感。
卷物有兩款，分別係海膽炸蝦卷，同芒果牛油果卷(應該係，除非唔係)。單靠menu上清水心跳同青龍兩名，真係唔會估到係咩，真係要食咗至知。
及後重點有石燒鰻魚炒飯，石頭窩夠熱，窩底有飯焦。炒飯粒粒分明，色澤平均，鰻魚汁甜而膩。讚~
成個四人餐仲有燒汁魷魚筒同炒野菜。炒野菜上面佈滿木魚絲，木魚絲隨著熱力搖曳，亦令炒野菜變得無咁孤單。
及後上嘅溫泉玉子牛柳粒石窩飯略為濕潤，因由四個都係女人，到最後都食唔曬啲飯，盡量食曬d牛柳粒。
最後最後，係北海道牛乳奶凍， 口感細滑，牛奶味濃郁。為整餐晚飯畫上完美句號。
張貼
