榮記粉麵

營業中

休息中

叫左三餸麵，牛肚、豬大腸、蘿蔔，幼麵。牛肚有成6、7塊咁多，抵食！夠淋、牛味重，浸完個湯底真係好好味。豬大腸有4件，淋得嚟又有咬口，係我鍾意嘅質感，不過比起豬大腸我更加鍾意牛肚多一啲。蘿蔔冇渣，啲湯底入晒落蘿蔔度，非常香甜。依一碗車仔麵、依一個配搭，冇一點令我失望。以試過嘅餸嚟講，暫時心中嘅排名：牛肚 > 雞翼尖 = 蘿蔔 > 豬血 = 豬大腸 （人人喜好不同）聽講西洋菜好好味，可惜阿姐話已經冇晒 😭 下次再嚟試！P.S. 留意番呢度只收港幣現金，記得帶夠錢呀。