更多
2020-09-24
1059 瀏覽
約咗朋友嚟百樂中心食午餐，本來提議去吃串燒料理，不過友人話好掛住吉列牛的滋味，咁就一於順應民意，改去位於 22 樓嘅「Kobekyu 吉列牛忌廉烏冬專門店」。由於揀了個下午茶時段到訪，所以店內人客不多，可以隨意揀選座位。無嚟一排，原來餐牌都有少許改動，多咗幾款新菜式，不過友人對吉列牛情有獨鍾，所以一坐低就嚷著要點吉列牛定食套餐，而我就另外再加咗份單骨雞翼。幾款食物很快就送上，先嚐 Kobekyu 滋味單骨雞翼 ($65)，雞翼表面沾滿了芝士粉和七味粉，食落辣辣哋，好鬼醒胃，加上單骨嘅關係，好容易就食到肉嘅部份，入口微辣惹味，正！至於個吉列牛定食套餐 ($246) 陣容亦很豐富，套餐包括有兩排吉列熟成牛扒、味噌湯、胡麻豆腐、胡麻車厘茄、白飯、咖喱忌廉烏冬或香辣忌廉雞肉炒麵及飲品。每張桌上都附有一個小巧別緻嘅石板爐，待店員點火後，便可以將牛扒放上爐面輕烤，生熟程度可以按個人喜好自行調校。吉列牛選用了美國熟成牛肩脊，入口肉嫩鮮甜，面層的炸皮薄而香脆，入面的肉色呈迷人粉紅，只需輕烤至半熟便食得。吃時可蘸點隨定食附上的特製 wasabi 蒜蓉沙律醬，味道濃郁且帶微辣，刺激醒胃。咖喱忌廉烏冬可以
約咗朋友嚟百樂中心食午餐，本來提議去吃串燒料理，不過友人話好掛住吉列牛的滋味，咁就一於順應民意，改去位於 22 樓嘅「Kobekyu 吉列牛忌廉烏冬專門店」。
由於揀了個下午茶時段到訪，所以店內人客不多，可以隨意揀選座位。
無嚟一排，原來餐牌都有少許改動，多咗幾款新菜式，不過友人對吉列牛情有獨鍾，所以一坐低就嚷著要點吉列牛定食套餐，而我就另外再加咗份單骨雞翼。
幾款食物很快就送上，先嚐 Kobekyu 滋味單骨雞翼 ($65)，雞翼表面沾滿了芝士粉和七味粉，食落辣辣哋，好鬼醒胃，加上單骨嘅關係，好容易就食到肉嘅部份，入口微辣惹味，正！
至於個吉列牛定食套餐 ($246) 陣容亦很豐富，套餐包括有兩排吉列熟成牛扒、味噌湯、胡麻豆腐、胡麻車厘茄、白飯、咖喱忌廉烏冬或香辣忌廉雞肉炒麵及飲品。
每張桌上都附有一個小巧別緻嘅石板爐，待店員點火後，便可以將牛扒放上爐面輕烤，生熟程度可以按個人喜好自行調校。
吉列牛選用了美國熟成牛肩脊，入口肉嫩鮮甜，面層的炸皮薄而香脆，入面的肉色呈迷人粉紅，只需輕烤至半熟便食得。吃時可蘸點隨定食附上的特製 wasabi 蒜蓉沙律醬，味道濃郁且帶微辣，刺激醒胃。
咖喱忌廉烏冬可以揀雞肉或牛肉，烏冬面層鋪滿薯蓉忌廉。將雪白嘅忌廉和底層的咖喱烏冬撈勻，忌廉富奶香又厚滑，口感 creamy，烏冬食落煙煙韌韌，配埋嫩滑的雞肉吃，真係無得頂。
套餐包兩罐罐裝汽水，不過亦可以補差額升級至特飲，我點咗 Rose Garden (+$18)，而友人就揀咗杯 Passion Punch (+$18)。兩杯梳打水賣相都好靚，尤其是我杯 Rose Garden，以玫瑰糖漿和檸檬汁炮製，入口微酸微甜，加上頂頭的玫瑰乾，傳來陣陣花香，為這頓午餐完美作結。
張貼
