929
56
21
所有分店 (2)
電話號碼
34278822
開飯介紹
來自韓國的吉列牛專門店,主打吉列牛及忌廉烏冬。您可以自己燒牛肉,控制生熟度。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
AlipayHK 支付寶 現金
座位數目
60
其他資料
網上訂座
Wi-Fi
酒精飲品
切餅費
電話訂座
加一服務費
當面支付
有關獎賞計劃
食評 (1060)
抗疫疲勞,銅鑼灣明顯多返人,今日午餐去左好耐冇黎嘅吉列牛忌廉烏冬專門店食返餐,都有幾多食客。落單用QR code。餐牌分幾大類,有主食,套餐,釜飯,涮涮鍋,小食同飲品。今日例牌叫左一個套餐,已經包左兩款招牌菜同兩支汽水,另外再叫左一份小食。套餐係吉列牛定食 + 咖哩忌廉烏冬(小辣)+ 2汽水,價錢$256另加一。吉列牛定食 吉列牛係來自韓國嘅菜式,絕對係必食之選。牛肉係美國牛裡脊肉,上枱時已經係3成熟,可以每邊燒2秒至半熟,或者等你自己喺個爐仔上面烤到自己鍾意嘅熟度先入口。外皮香脆而入面嘅牛肉就明顯見到中間係生肉嘅深紅色,外圍就係粉紅色。牛肉燒熟啲都唔會韌,肉質唔錯。跟吉列牛有蒜味沙律醬同甜酸燒肉汁等你點,仲有wasabi,個人最鍾意蒜味沙律醬,因爲令到塊牛更香滑。伴碟有少量胡麻醬梛菜絲沙律。定食包兩款前菜,分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯,上面撒滿飯素,同一碗味噌湯。咖哩忌廉烏冬招牌咖哩忌廉烏冬係另一必食之選,第二度真係唔覺有得食呢個菜式。大碗烏冬上面滿佈白色忌廉同少少蔥花。忌廉同咖哩香加埋原來好滑又唔太膩,味道其實係日式咖哩既甜甜地,好好食。餐牌寫明小辣,但係我覺得基本上完全唔辣。讚岐烏冬係粗身而有少少嚼勁同勁滑,好好味。其他配料有唔少牛肉粒,都算幾腍吓。另外仲有少少菇片。如果有洋蔥吸吓咖哩汁一齊食就好啦。雞軟骨餃子 $48 另加一另外叫左一客雞軟骨餃子分享。雞軟骨餃子一客四件,外皮上面有唔少白芝麻粒,塊皮超脆,好香口,而入面食到細細粒嘅雞軟骨粒同豬肉碎,口感特別。沾另上嘅醋降吓溫更好味。 餐飲可加錢升級其他飲品,今次叫左兩杯紫薯Latte。粉紫色系令人感覺非常有少女味。紫薯Latte 跟餐加$25紫薯Latte大大杯,下面係紫薯奶加冰,上面加左一大pat忌廉同紫薯粉,紫薯味唔太濃,唔會過甜。食物睇落以為油膩,食完又唔覺呀。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-08
1240 瀏覽
呢間餐廳除左吉列牛出名仲有忌廉烏冬都係主打菜兩款味道都好好值得推介一試👍係旺角及銅鑼灣都有分店🔸吉列牛定食 $148吉列牛嘅肉外層酥脆,放上石板燒到6成熟,食落肉質juicy。仲配有兩個醬,一個係芥末沙律醬,另一個係醬油。第一次食吉列牛點芥末沙律醬,味道出奇地夾,完全無搶去牛味。呢個定食配有味噌湯、豆腐同小蕃茄等小菜,非常豐富💕 🔸咖哩忌廉牛肉烏冬 $78平時以為忌廉加咖哩配搭會好怪🤔食完發現有驚喜!忌廉令到成個醬汁好滑,有淡淡嘅奶香,由於咖哩係用左日式咖哩,所以唔會太辣仲甜甜地,幾好食,配埋牛肉食唔錯🔸雞軟骨餃子 $48未食過用雞軟骨做嘅餃子,叫嚟試下。估唔到個味道好夾,好有咬口,餃子外層好香脆,點埋餃子醬酸酸甜甜好好食。🔸紫薯Latte $25超愛紫薯,二話不說就order左!原價要$48,跟餐只係加$25就飲到。最驚喜係有得揀甜度,少甜走甜都得。紫薯味濃郁,揀左少甜,所以個甜度適中。🔸Passion Fruit $18跟餐平點就叫呢杯。用左熱情果沖,好香甜,用嚟打卡都好靚! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-01-12
631 瀏覽
🇯🇵之前見到好多人去呢間專門食吉列牛+咖喱忌廉烏冬, 身為烏冬控嘅我bookmark咗好耐, 終於去試下😋先點咗招牌嘅吉列牛定食 + 咖哩忌廉烏冬兩人套餐~🔸吉列牛定食 ($246)一客有8件, 最外層係薄薄炸皮, 包住嘅牛肉本身已有3成熟左右, 可以放上石爐到燒至自己喜歡嘅熟度,燒完唔會韌, 肉質幾嫩, 有幾款醬料配搭沾黎食, 我最中意點佢個芥末醬👍🏻👍🏻跟餐有碗撒滿飯素嘅白飯, 味噌湯, 細細粒車厘茄同一細磚豆腐~🔹咖哩忌廉烏冬(雞)咖哩忌廉烏冬係必叫, 兩人套餐包埋, 第一次食呢種日式咖哩忌廉烏冬, 感覺好新鮮,上面滿佈白色忌廉, 配埋底層嘅咖喱, 好creamy, 完全唔覺膩, 烏冬好煙韌滑溜👍🏻🔸雞軟骨餃子 ($48)一份4件,餃子煎得好香脆,雞軟骨好有咬口!🔹綠茶Latte (跟餐+$25)好大杯, 上層大量忌廉, 勁邪惡, 飲落奶味重, 不過就有少少甜, 綠茶味唔苦, 唔好expect係日式特濃抹茶最隻😛📍吉列牛忌廉烏冬專門店 - 地址:銅鑼灣耀華街3號百樂中心22樓 (仲有旺角分店) 繼續閱讀
(以上食評乃用戶個人意見 , 並不代表OpenRice之觀點。)
等級3 2022-05-20
0 瀏覽
銅鑼灣特色韓味小店一試難忘!先來個雞軟骨炸餃子!多汁好味!再來梅酒梳打和威士已梳打!忌廉湯咖喱烏冬Q彈!再加炸牛仔肉定食一流!小店風味!正!加上交通方便在時代廣場旁邊!值得一試!雖然菜色選擇不多但味味出色!可以再試!朋友都滿意! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-19
4 瀏覽
舊同事話好想試喺耀華街嘅吉列牛忌廉烏冬專門店, 我地平日嘅6:30左右到,好彩唔駛等位!menu主打當然係~吉列牛,同忌廉烏冬啦, 晚市二人餐$256有一份古列牛、一碗烏冬,前菜沙律,一次過可試勻招牌菜!價錢非常親民! 🥩🍚吉列牛定食 定食跟左白飯、 麵豉湯、麻醬豆腐同車厘子沙律,吉列牛賣相出色,一人前用石燒燒返熟件牛,自己控制生熟度!表皮炸至酥脆,肉裡粉紅色嘅牛肉大約3成熟,真正外脆內嫩,一路燒仲勁香!燒得熟左小小嘅肉質都係好嫩完全唔韌!推介! 🍜咖哩忌廉烏冬之前食過嘅嘅忌廉牛肉烏冬,簡直係禾稈冚珍珠!白雪雪嘅忌廉下面係濃郁咖哩牛肉烏冬!咁多忌廉都唔會好膩仲好夾!煙韌嘅烏冬咖哩味香濃,配埋肉粒同菇類一齊食非常掛湯!🥟雞軟骨餃子煎得香脆嘅餃子皮包住粒粒雞軟骨!口感特別,唔錯!🧃 Rose Garden同 Citrus Ocean ,前者花味清香!後者酸酸甜甜,兩杯都好清新好味吉列牛忌廉烏冬專門店地址📍:銅鑼灣耀華街3號百樂中心22樓 繼續閱讀
(以上食評乃用戶個人意見 , 並不代表OpenRice之觀點。)