狸小路北海道涮涮鍋、壽喜燒、和牛專門店

營業中

休息中

想喺銅鑼灣搵高質和牛食，非常推介狸小路！專攻北海道十勝產嘅黑毛和牛，用料一流，環境充滿日式風情。壽喜燒 配 霜降A4+和牛 餐廳製作左一張精美嘅教學，等我可以親手試下整傳統壽喜燒。壽喜燒醬汁鹹甜比例啱啱好，煮嘢食嘅時候香氣即刻飄滿成枱。壽喜燒主角係霜降A4+和牛，油花分布均勻，煮熟之後肉質軟嫩，脂肪嘅香氣融入壽喜燒湯汁，一啖入口，非滿足！和牛沾上食用級北海道生雞蛋，瞬間多咗一層滑溜嘅口感，味道更加香濃。蔬菜拼盤種類豐富，菇類吸晒壽喜燒湯底嘅精華，食落仲有少少甜味，非常滿足！北海道海膽高湯涮涮鍋 配 頂級西冷 A5 和牛湯底真係有好多海膽，用料十足，味道極之香濃！如果係日本食同一級數嘅海膽鍋，都要8,000円以上 (HKD$4xx) ，而呢到就$300有找就食到啦。西冷A5和牛油花係最多嘅部分，切片勻稱，入口即溶！海膽濃湯煮過嘅和牛，味道層次更加豐富，脂香喺口腔爆開嗰種感覺，完全係非凡享受！赤身A4+和牛赤身和牛口感較有嚼勁，牛味濃郁。豚五花脂肪分布均勻，煮完之後一啖脂香一啖肉香。