KURO (已結業)

2023年9月6日 星期三最近經過銅鑼灣駱克道發現呢間餐廳重新裝修過，連店舖名都改咗，感覺似係重新出發，所以一有機會就即刻拉埋老婆黎試下新餐廳由於我哋去到嘅時間尚早，所以餐廳裏面唔算太多人，好快可以入座，餐牌裏面嘅食物種類豐富咗好多，人氣食物仍然保留住，而且價錢同之前差唔多，仲多左新推出嘅食物添，有呢一個福島核廢水海鮮丼，淨係睇餐牌上面嘅食物已經覺得好特別，於是就叫咗一份，另外老婆都叫咗一個丼飯，再加埋小食同飲品點完餐等咗大約10分鐘，食物就開始陸續送到，首先有薯仔沙律，上面仲加咗生雞蛋同蟹籽，撈埋一齊食口感好特別，薯仔味好濃郁，食完之後更加開胃之後有老婆點嘅Takaki牛丼，燒得好香，裡面既肉仍然係粉紅色，唔會燒到過熟，有咬口但唔會好韌，同樣地上面加左一隻生雞蛋可以撈埋飯一齊食，口感更加好我就要左福島角切魚生丼，除咗一粒粒唔同種類既魚生之外，飯上面仲有藍色既啫喱，用嚟比喻福島放出既廢水，同刺身一齊食幾夾，加上刺身好新鮮呢一杯係福島餐附有嘅飲品，叫輻射水，淨係個名都夠晒特別，成杯都係藍色，飲落去酸酸甜甜幾醒胃小食方面有KURO黑唐揚炸雞，由於炸粉用咗黑炭嘅關係，所以每一嚿雞都係黑色，十