影片
更多
2022-04-13
263 瀏覽
今次到我🐻❄️臭屁熊獨食👻，呢間cafe嘅朱古力特飲出哂名吸引左好多人嚟打卡，等我又試吓先😆銅鑼灣分店喺Sasa一樓入面嘅角落位，係禮頓中心出面兜左個大圈先搵到🤦🏻♀️簡約白色嘅裝潢，空間唔大，但勝在冇咩人，好靜好舒服，可以坐好耐偏西日式，有沙律、意粉、飯類、多士同牛角包等選擇，整體份量都唔少，食到好飽🙈不過價錢略貴同味道普通，可能太過有期望，反而覺得有少少失望，冇網上其他人講到好驚艶，覺得飲品比食物出色，如果有機會再去，應該淨係會叫杯朱古力_➤熱痴_線朱古力 Crazy chocolate🍫(下午茶餐+$9)主要係為咗呢杯朱古力而黎，果然名不虛傳，一見到真身就覺得個名真係冇改錯，杯面舖滿大量嘅黑、白、牛奶朱古力碎同朱古力粉，多到就嚟滿瀉，好澎湃，賣相非常吸引😂 暖笠笠，打卡要快手，朱古力都溶得幾快，聞落超香朱古力味，飲落係比平時普通餐廳嘅朱古力再濃郁少少，冇想像中咁甜膩，帶少少黑朱古力嘅苦澀，仲飲到少少未完全融哂嘅朱古力碎，但擺耐左凍左之後，啲朱古力凝固沉哂落杯底，整體其實冇乜特別，係賣相加左分 (P.S.店員仲會好貼心比埋濕紙巾，咁就唔怕飲到好污糟啦)➤蒲燒鰻魚|雙份日本滑蛋|牛油
偏西日式，有沙律、意粉、飯類、多士同牛角包等選擇，整體份量都唔少，食到好飽🙈不過價錢略貴同味道普通，可能太過有期望，反而覺得有少少失望，冇網上其他人講到好驚艶，覺得飲品比食物出色，如果有機會再去，應該淨係會叫杯朱古力
_
➤熱痴_線朱古力 Crazy chocolate🍫(下午茶餐+$9)
主要係為咗呢杯朱古力而黎，果然名不虛傳，一見到真身就覺得個名真係冇改錯，杯面舖滿大量嘅黑、白、牛奶朱古力碎同朱古力粉，多到就嚟滿瀉，好澎湃，賣相非常吸引😂 暖笠笠，打卡要快手，朱古力都溶得幾快，聞落超香朱古力味，飲落係比平時普通餐廳嘅朱古力再濃郁少少，冇想像中咁甜膩，帶少少黑朱古力嘅苦澀，仲飲到少少未完全融哂嘅朱古力碎，但擺耐左凍左之後，啲朱古力凝固沉哂落杯底，整體其實冇乜特別，係賣相加左分 (P.S.店員仲會好貼心比埋濕紙巾，咁就唔怕飲到好污糟啦)
痴_線朱古力(下午茶+$9)
28 瀏覽
0 讚好
0 留言
➤蒲燒鰻魚|雙份日本滑蛋|牛油果芥末醬｜感味爆料牛角包Crispy croissant with overflow stuffing(kabayaki eel & double japanese scrambled eggs with avocado wasabi paste)🥐$92.7
牛角包係下午茶先有，總共有九款揀，比想像中大個，都算對得住價錢嘅，雖然都係偏貴🙈表面烘得幾酥脆，層次分明，只係食到尾個包比啲醬同蛋汁浸淋左少少，餡料幾豐富，中間夾住兩大舊燒汁鰻魚，口感淋滑入味，面頭灑左少少紫菜碎，不過食嘅時候要小心啲有少少碎骨🤭雙份滑蛋果然好厚，但亦都因為偏厚嘅關係裏面有少少熟同乾，相反面層唔會太熟仲保留咗少少蛋汁同嫩滑嘅口感，正正常常，加埋半溶嘅芝士，但牛油果芥末醬🥑唔係幾出，存在感零😂整體正常發揮，冇特別，就係想像到嘅味，而且太大嚿，好難一次過擺入口，食嘅時候感覺好似分開三樣嘢嚟食咁
蒲燒鰻魚|雙份日本滑蛋|牛油果芥末醬｜感味爆料牛角包
$88
17 瀏覽
1 讚好
0 留言
➤脆炸蕃薯條 Sweet potato fries🍠🍟$43.2
炸得幾香口同乾脆，唔油膩，食到蕃薯嘅香甜，配埋蛋黃醬就冇咁dry，不過不失
脆炸番薯條
$48
12 瀏覽
0 讚好
0 留言
_
🍽味道指數:★★☆☆☆
📷環境指數:★★★☆☆
🛎服務指數:★★★☆☆
💰抵食指數:★★☆☆☆
😋推薦指數:★★☆☆☆
📍Sensory zero
銅鑼灣禮頓道77號禮頓中心2樓L1號舖
@sensoryzero
📍其他分店:
尖沙咀廣東道3號海港城馬哥孛羅香港酒店G樓連卡佛
太古太古城道18號太古城中心地下誠品生活G014號舖
黃竹坑香葉街2號One Island South G01號舖
沙田沙田正街18號新城市廣場一期7樓706號舖
灣仔港灣道6-8號瑞安中心1樓103號舖
張貼
