Pancake 專門

營業中

休息中

之前應承咗姪女，考完試帶佢食好西，今日就嚟到呢間和風嘅Cafe食pancake。裝修好有日式茶屋格調，閑靜舒適，周圍重擺咗好多可愛嘅貓貓公仔同擺設，姪女一入到去就攞住電話係咁打卡。🌟雪糕芒果蕨餅拿破崙拿破崙賣相好吸引，三層即叫即製千層酥，新鮮香脆，好香嘅牛油味。上層鋪滿鮮甜芒果同幼滑忌廉，中間有蕨餅，底層係小朋友至愛嘅雪糕❤️一次過滿足幾個願望🥳必食！🌟日式草莓班戟見到上面鋪滿嘅草莓🍓，港女一定心心眼😍 草莓又大粒又甜，兩層pancake雖然唔係梳乎厘嗰種質地，但係非常鬆軟，加上軟滑忌廉，好似食緊蛋糕咁，好滿足😌🌟輕食套餐（餐湯.沙律.主菜.茶）除咗pancake，呢度重有啲輕食套餐。主菜有六七款選擇，我哋揀左松露香燒帶子意粉。沙律醬汁開胃，餐湯係栗米湯，飲得出係自家製，濃香重食到栗米蓉。意粉煮得好好，白汁唔會太濃腻但松露味好香，奄尖嘅姪女一個人食哂🤣我有幸試到一粒煎得恰到好處又鮮味嘅帶子🤭🌟 Tiramisu咖啡睇到menu張相好吸引，用貓貓🐈‍⬛杯裝好可愛☺️。咖啡味香，唔會好甜，配上lady finger蘸黎食，真係有食Tiramisu嘅感覺。🌟 抹茶富士山好靚好IGable嘅飲品。