影片
港鐵銅鑼灣站 E 出口, 步行約4分鐘
繼續閱讀
電話號碼
23488889
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
相關文章
今次喺銅鑼灣一個睇落好貴嘅日式cafe食到其實唔系好貴仲好好食嘅basque burnt cheesecake😋👍🏿開心果流心巴斯克蛋糕 $68呢個價錢一件話貴唔貴話平唔平主要系有得坐喺度慢慢歎🤣算系打返個和巴斯克嘅質感真系非常之滑唔單止系軟滑 直頭系呈流心狀態 冇改錯名!😎食到開心果嘅香氣 都算濃郁不過媽媽👩🏻話唔算超濃可能因為佢有其他items嘅開心果味更加突出😎但呢件巴斯克嘅質感同軟心程度都值史努比比佢勁高分🤪On top仲加咗焦糖 多咗啲脆脆口感雖然甜度高 但真系好滿足!隔離有啲cream同士多啤梨裝修好食又有睇頭 $68都值嘅🤭味道: 8.5/10性價比: 7/10👍🏿伯爵茶流心巴斯克蛋糕 $68估唔到伯爵茶味比開心果更加驚喜!雖然呢件好似失咗手冇開心果咁流心但個味真心好正 而且其實都好滑 只系未去到流心狀態🤣史努比平時食cake都系一啖起兩啖止但呢件真系令人食完一啖又一啖😋茶味非常香濃啖啖都食到伯爵茶嘅香氣而唔苦澀連平時唔鍾意食茶味甜品嘅媽媽👩🏻都話有驚喜!味道: 9/10性價比: 7/10👍🏿和栗班戟Mont blanc (配雲尼拿雪糕) $138一向唔鍾意食栗子嘅史努比食完呢個mont blanc真系對栗子改觀😳表面系大量嘅栗子蓉 口感細滑充滿住栗子嘅香氣 而唔令人討厭入面一層cream再包住雲尼拿雪糕仲有麻糬最底就系pancake 甜度都高 但唔系死甜嗰種雪糕夠滑 pancake鬆軟 麻糬煙煙韌韌 不過幾甜下😂加埋一齊食口感豐富 好有層次感😋溫馨提示份量好大 一個人食會好飽好飽好飽建議多人share🤣🤣味道: 8.5/10性價比: 7.5/10👍🏿開心果Tiramisu $68第一次見用杯嚟裝tiramisu🤣Tiramisu cream超級滑😳開心果都濃郁但同時奶香幾重 食一啖其實已經漏咗建議搵個人share🤣底部有lady finger食落竟然系脆嘅😳可能因為咁冇乜咖啡味史努比覺得唔太似tiramisu但味道唔錯🤣🤣味道: 7.5/10性價比: 6.5/10👌🏿芒果拿破崙 $168呢個價錢 史努比就唔太建議大家嗌🥴拿破崙脆口但唔算好酥脆 冇牛油香中間夾住煙韌麻糬同埋估唔到拿破崙會配搭雲尼拿雪糕😳幾特別 但史努比覺得唔夾~就咁拿破崙同cream會好啲Btw可能因為芒果偏酸嘅關係加埋食好似啱啱好 冇咁甜😂味道: 6.5/10性價比: 6/10👍🏿開心果咖啡 $58呢杯系媽媽👩🏻嗌嘅佢話on top嘅開心果cream其實同tiramisu嘅一樣口感滑 開心果味濃 奶味亦重配搭咖啡好好飲媽媽👩🏻話至少有8.5-9分😋另外呢杯咖啡仲有兩件仔類似拿破崙咁嘅酥酥但味道就一般lol*另設加一服務費*偷偷話比你哋知史努比喺Openrxxx見到佢哋嘅負評主要踩主食同價錢反正本身史努比都想食甜嘢 所以最後就嗌晒甜品😋果然甜品系有啲質素!史努比建議去食tea好過食正餐一人嗌一份甜品慢慢歎🤪佢個環境都唔錯 咁嘅話價錢都還好嘅至於服務方面又唔算特別差嘅但就等得比較耐 同埋唔好期待佢會好好service整體評分：味道: 8/10環境: 8.5/10服務: 7/10衛生: 8.8/10抵食: 6.8/10(品牌合作分享)
繼續閱讀
叫左一個蘋果pancake同芒果pancake Pancake口感 同外觀 同普通蛋糕無分別 好似一個蛋糕底攞出黎切開佢 上面加啲果醬同水果就當係pancake咁 Pancake上面既水果明顯係罐頭水果開出黎 兩個都係勁甜 死甜果種感覺 蘋果味就真係不得了 。焗完變左餅乾咁 😓😓啲配塔又唔襯托二人去食兩份pancake埋單$280，從未食pancke有如此差既體驗，永遠都唔會再去。大把好食又平既性價比更值得我去
繼續閱讀
今日嚟到銅鑼灣，趁着崇光百貨感謝祭仲有四日繼續血拼，買完嘢梗係要搵個地方坐低休息吓啦，今次我哋就揀咗喱間來自日本人氣的班戟專門店紗織嘆甜品，簡約嘅日系風配上小庭園，猶如置身京都一樣，嚟到一定要試佢呢度最出名嘅甜品和栗布朗尼，標榜勁幼細至1mm嘅紫薯條，包住厚忌廉和鬆軟嘅班戟底，淨係賣相都100分啦！入口勁Creamy勁好食！朋友嗰款係香印提子大福班戟，首先我覺得佢個設計係勁有創意，外層係煙靭嘅大福餡皮，入面包住佢哋最出名嘅班戟、香印提子、麻糬和厚忌廉，多層口感，每一啖都係幸福嘅味道！頭兩款甜品實在係太好食，我哋決定試埋佢地既得獎甜品韓國草莓拿破崙！每層都鋪滿甜絲絲嘅士多啤梨，鬆化香脆嘅酥皮勁香牛油味，十級推介主食我哋揀咗芝士和牛漢堡班戟，佢個口感有少少似M記神物既McGriddles，我鍾意佢個班戟冇麥記嗰個咁死甜，配埋個芝士和埋和牛個味啱啱好唔會太膩！跟住就係期間限定嘅龍蝦泥傾瀉烏冬，佢係龍蝦泥用咗新鮮嘅龍蝦肉同埋龍蝦膏製作，濃厚既龍蝦泥勁掛湯，每啖都充滿住海鮮的鮮香味，好正！最後一款就係松露帶子意大利麵，帶子大大粒勁鮮嫩，白汁和黑松露香味完美配搭，好好食！
繼續閱讀
見網上最近好多人介紹呢間餐廳嘅甜品，有巴斯克界嘅chanel??甘誇張？！但明明人哋叫Pancake 專門，應該pancake先係招牌？！🤣餐牌的確甜品款式好多，淨係pancake已經分做雪山系列、大福系列、蒙布朗班戟、水果系列、瀑布熔岩等。🥴不過我同朋友食完一致認同：食物賣相靚 純粹適合打卡、食下Tea，味道爭啲，未必太值呢個價錢，只此一次！👓開心果 Tiramisu $68面頭嘅cream好明顯有開心果味，大量開心果碎，其實都好食嘅，不過真係唔太似Tiramisu因為例如冇乜酒香，只係一層嘅手指餅+cream，無咩層次同埋比較單調，亦都偏漏 好多cream，而且唔算大杯 依個價錢性價比唔算好高。👓開心果咖啡 $58面頭有pat開心果醬，好稠 但唔覺有開心果味，反而咖啡味好香濃好出，整體係比較重咖啡香。攪勻杯飲品後，反而底部嘅焦糖醬出咗嚟，變咗杯焦糖咖啡… 👓MONT BLANC麻薯班戟 $138口味有四款選擇：和栗、紫薯、黑朱古力、金時蕃薯；另外雪糕亦有六款選擇，例如焙茶、栗子今次揀咗和栗栗子蓉+抹茶雪糕pancake比較實心、蛋糕質感，叫做pancake專門店，但佢嘅pancake係咪真係好出色呢？我唔太識欣賞😳我個人鍾意食梳乎厘班戟多啲🥲Pancake中間有舊麻糬，面層係雪糕球，然後鋪上一層薄忌廉+再淋上大量栗子蓉。栗子紅一定會會鍾意因為超級多栗子蓉，稍微甜咗少少，不過都幾漏，加上又有忌廉。但如果齋睇賣相 佢又的確幾igable打卡！👓抹茶蕨餅班戟 $128有少少失望因為冇太大特別，同樣只係嗰款實心、扁踢踢嘅班戟，連空氣感梳乎厘pancake都不是。灑上抹茶粉、幾粒蕨餅伴碟，兩球抹茶雪糕+一球雲呢拿雪糕，再擺啲紅豆。整體唔算好出色，對唔$128依個價錢🥲唔建議大家叫！👓Dark Mocha $48真係好黑朱古力味，唔甜 好重朱古力。👓焙茶拿鐵 $48👓牛小排牛骨湯烏冬 $98其實一嚿水一碗烏冬都唔平，所以都有少少期望。我只會話係一碗正常發揮嘅普通烏冬，就係高湯底 唔太鹹/清清地，有啲牛肉片，熱辣辣嘅烏冬😂因為太肚餓餓想食主食所以先叫～
繼續閱讀
前幾日同個fd經過見到哩間店，係外面望落好似幾好，裝修唔錯同埋當時入面人好多就入咗去，點知原來大伏。首先，一入去完全冇人招呼，企咗係度等，發現原來成間餐廳得1個侍應，個侍應落緊單完全冇功夫理我哋，等佢落完單起碼5分鐘，佢都有同我哋講唔好意思，坐低佢俾水同餐牌，餐牌種類好多，我哋於是叫咗兩個main，等咗起碼半個鐘先黎，個牛肋條意粉㴝到成pat野錦，重點係「凍」嘅，另一個牛肉丼完全冇汁，牛又老，真心好難食，哩世人冇食過咁嘅嘢，想搵侍應同佢講，佢講咗句稍等一陣之後就冇咗影，唔明一間餐廳滿晒人點解可以得一個侍應，咁亦導致根本完全冇咩服務可言，但又要收服務費，好心搵多幾個人，又等咗10分鐘侍應得閒幫我哋，攞咗我碟野入去廚房，唔使2分鐘已經出翻黎，其實都幾明顯係叮翻熱，百幾蚊個餐咁樣比人食，翻熱既牛肋條味道一般，就係街度40蚊質素，原本好似有個湯跟，我哋都算，一黎都feel到唔係d咩好嘢，二黎冇人理到我哋，個侍應忙到爆，我哋都費事麻煩佢，甜品我哋真係冇擔再試，最後埋單不出所料又要等，等既時間仲多過食。總結一下哩家就係食物唔掂服務唔掂既餐廳，錦人哋入黎為咩呢？
繼續閱讀