影片
更多
2023-01-22
890 瀏覽
最近天氣凍咗，緊喺去食粥。但我同朋友又唔想再食粥咁齋，於是便來到這間位於銅鑼灣嘅一人蒸氣鍋餐廳。餐廳座位會用竹簾分隔開每個座位，相當具隱私；第一次嚟食唔知點入手都唔緊要，每張枱上都貼有建議烹飪時間，咁就唔使驚煮唔熟或者煮過龍啦。<九品芝麻套餐> $218我同朋友都叫咗九品芝麻套餐，套餐包括以下配料：三點刺身：北寄貝、甘蝦、帆立貝炸物：章魚燒*2海鮮：白蜆、蝦、鮑魚、鮮魚片、大蜆肉類：美國肥牛、雞腿肉、豚肉（三選二）三寶丸：牛骨濃汁牛丸、薑汁皮蛋貢丸、招牌墨魚丸蔬菜拼盤整體分量唔算好多，但勝在夠多選擇。刺身質素唔錯，保留到刺身本來的鮮甜味；章魚燒熱辣辣夠曬大粒。白蜆、魚片、鮑魚同埋蝦清蒸之後保留鮮味，唔使沾醬都已經好食。肥牛同豚肉片薄薄一片，放落個鍋度好快蒸熟，點少少豉油都好惹味。套餐其中一個配料喺三寶丸，當中墨魚丸爽口彈牙，不愧為招牌。蔬菜種類繁多，有南瓜、翠玉瓜、粟米、冬菇、金菇、娃娃菜、生菜等，要食菜先健康架嘛。朋友鍾意食肉，就加咗$48要多個安格斯牛肉，質素同套餐附送的肉類接近。食完所有配料之後，就可以同侍應講上粥底，最後嘅芋頭南瓜粥底吸收曬前面所有配料嘅精華，濃
<九品芝麻套餐> $218我同朋友都叫咗九品芝麻套餐，套餐包括以下配料：
三點刺身：北寄貝、甘蝦、帆立貝
炸物：章魚燒*2
海鮮：白蜆、蝦、鮑魚、鮮魚片、大蜆
肉類：美國肥牛、雞腿肉、豚肉（三選二）
三寶丸：牛骨濃汁牛丸、薑汁皮蛋貢丸、招牌墨魚丸
蔬菜拼盤
整體分量唔算好多，但勝在夠多選擇。刺身質素唔錯，保留到刺身本來的鮮甜味；章魚燒熱辣辣夠曬大粒。白蜆、魚片、鮑魚同埋蝦清蒸之後保留鮮味，唔使沾醬都已經好食。肥牛同豚肉片薄薄一片，放落個鍋度好快蒸熟，點少少豉油都好惹味。
套餐其中一個配料喺三寶丸，當中墨魚丸爽口彈牙，不愧為招牌。蔬菜種類繁多，有南瓜、翠玉瓜、粟米、冬菇、金菇、娃娃菜、生菜等，要食菜先健康架嘛。朋友鍾意食肉，就加咗$48要多個安格斯牛肉，質素同套餐附送的肉類接近。
食完所有配料之後，就可以同侍應講上粥底，最後嘅芋頭南瓜粥底吸收曬前面所有配料嘅精華，濃稠綿密，成餐好飽好滿足。
張貼
