豊勝手丼 (已結業)

今日同老公出去撐枱腳，登龍街都算係最近排銅鑼灣必去嘅食街。呢一度有好多唔同國家嘅菜式。不過主要就有好多日本菜。我哋見到一間日本餐廳裝修得好靚，所以我哋入咗去試一試。見到餐牌佢有好多唔同款式嘅丼，我哋叫咗一個是日精選既月見咖喱豚肉飯試吓，同埋叫咗幾多件壽司。呢一款豚肉假處理得非常之好，咖哩同飯嘅比例啱啱好，唔會好多汁多到好似湯飯咁。而且香味濃郁，加埋佢生雞蛋口感就更加滑。壽司呢一度又唔會一大舊飯，，啱女仔食，細細舊。刺身同飯嘅比例亦都唔錯，可以媲美日本嘅壽司鋪。可能因為鋪頭唔係好大，唔會非常嘈吵。喺度食嘢傾吓計都覺得幾舒服，會推介俾朋友試☺