459
12
14
電話號碼
55465046
開飯介紹
專賣日式海鮮丼的小店,勝手丼意指自選刺身蓋飯,食客可按自己喜好挑選不同材料,配搭出自己的海鮮丼。同時亦可選擇定食或師傅發板(omakase)。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 銀聯 Apple Pay 微信支付
座位數目
16
其他資料
網上訂座
切餅費
電話訂座
加一服務費
當面支付
有關獎賞計劃
食評 (505)
等級4 2021-11-28
2033 瀏覽
跟得太太唔易做,先生除打機外,最大興趣就係食,價錢親民的鐵板燒當中,佢最喜歡去登龍街的『Hungry Monkey』。而我,更喜歡肚餓猴子對面的『豊勝手丼』裡面新鮮既海鮮丼飯,變化多端既時令九鼎丼最吸引到我,呢日先生又想食『Hungry Monkey』,但都好有風度甘陪我食丼飯~一場黎到又點可以淨係食丼飯呢,先來2 支水果梳打,我點的完熟白桃梳打好香桃味,甜甜地,好清新!小食方面點了吉列炸蠔$42忌廉蟹肉薯餅 $42炸蠔外皮酥脆,內裡鮮甜多汁。忌廉蟹肉薯餅就外脆內軟滑,口感豐富。豊勝手丼既 三國雲丹,三色海膽丼飯好出名,可惜呢晚已經售罄,先生點了一客廚師發辦丼 $278 時令食材鋪滿飯面,分別有 鮮軟既北海道帶子,醬油風味既磯煮鮑魚,誘人既厚切深海池魚,拖羅,吞拿魚,每款都好新鮮,其中小妹最喜歡入口即溶既厚切拖羅,滿口都係鮮甜既魚油香。九鼎丼 - $368九鼎丼係小妹最愛,一次品嚐9 款至鮮食材。今次有濃郁甘香既蟹膏,鮮甜蟹肉, 吞拿魚,甘香吞拿魚蓉, 三文魚, 香口蒲燒鰻魚,清鮮鯛魚, 爽口深海池魚,爆醬三文魚籽,食完真係超級滿足!!!見到小黑板既是日推介,又點了一份 螢光魷魚沖漬 $48 ,經過醃漬後既小魷魚口感嫩滑爽脆,帶點醬油香,味道鮮美,好好味呀!豊勝手丼地址:銅鑼灣登龍街18號V Point地下3號舖🌛月光太太 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-23
1288 瀏覽
銅鑼灣有很多日本料理,但我和太太都一致喜歡這間食物新鮮高質的日式丼飯專門店,因此每次經過登龍街附近都想前去光顧,只是其他菜式又真的有很多,幾次擦身而過。當日終於決定再次光顧,看看品質是否如以前一樣好位置(9/10):位於時代廣場旁邊最有名的食街登龍街,附近交通及購物十分方便,由港鐵銅鑼灣站A出口步行前往約2分鐘環境(9/10):餐廳裝修很有日式居酒屋感覺,舖頂有魚網裝飾,舖內放有大量日本酒,配合木系傢俱,加上燈光明亮,予人舒適和諧感覺服務(9/10):侍應相當主動介紹推介菜式,全程友善親切,入座後會端上熱茶,席間亦會不時幫忙加熱茶,服務不錯食物(9/10):日本料理當然少不了刺身及壽司,還有炸物及燒物,但這裡最有名及有特色的還是各種丼飯忌廉蟹肉薯餅 - $42先點了幾款小食,第一款是忌廉味濃郁、帶有蟹肉香甜的薯餅,外脆內軟,口感絕佳吉列炸蠔 - $42吉列炸蠔是我們食日本料理都會想點的小食,這裡同樣香脆多汁,蠔味鮮甜,必點之選螢光魷魚沖漬 - $48太太喜歡螢光魷魚,在不少日料都會做成漬物,新鮮的螢光魷魚很鮮味及有魷魚獨有的香氣,爽口味美廚師發辦丼 - $278到了其中一款主角,就是交由廚師按當日是令的食材組合而成的丼飯,因此每次食都可能郁有驚喜。這次有切件的醬油鮑魚、厚切的吞拿魚、油白的大拖羅、嫩滑鮮甜的深海池魚、彈牙淡雅的真鯛及肥美海魚味香的帆立貝,加上本身醋味香濃的醬油飯,味道相當豐富九鼎丼 - $368顧名思義,是分了九格不同食材的迷你丼飯組合,包括醬汁香甜的芝麻伴鰻魚、蟹味濃郁的香蔥伴蟹膏、鮮甜的蟹籽伴蟹肉、香滑的三文魚親子丼、略為煙韌的香蔥吞拿魚、濃厚的香蔥吞拿魚蓉、清淡而帶微辣的辣蘿蔔伴真鯛、帶有香氣的菊花瓣伴池魚及粒粒水潤的三文魚籽,共九種不同的新鮮食材,讓人滿足完熟白桃梳打 - $36白桃味香甜的日本梳打,太太最愛信州蘋果梳打 - $36蘋果味濃另一日本梳打,不妨一試整體來說,這間日本料理真的沒讓我失望,食材依舊新鮮,味道仍然不錯,加上舒適的環境及方便的位置,我們很大機會會再次光臨呢🌺豊勝手丼🌺地址:銅鑼灣登龍街18號V Point地下3號舖 繼續閱讀
(以上食評乃用戶個人意見 , 並不代表OpenRice之觀點。)
落到銅鑼灣好多餐廳都關門,見到呢間位於地下嘅豊勝手丼就試吓,堂食有8折。午市定食有19款,有生有熟食,附送沙律,前菜同吸物。最平定食$98,最貴$348,另加一。附送沙律係沙律雜菜同車厘茄半粒,加左足夠柚子醋。前菜係中華沙律。味噌湯有少少豆腐粒同昆布,味道夠鹹。等左都幾耐先有丼飯,店員忙住做外賣。五品貝之風呂丼 $348 另加一呢個丼係全餐牌最貴,有海膽兩大片,連殼磯煮鮑魚一隻,活赤貝一隻,帆立貝一細隻,同馬刀貝幾片。啲材料唔夠蓋住啲飯。日式芥末同酸薑份量就勁多。海膽大大片,食落少少苦,絕對低質。其他海鮮質素正常,冇乜特別,呢個價錢分量偏少。酸薑好辣。炙之海鮮丼 $268 另加一炙之海鮮丼有炙燒三文魚三片,吞拿魚同油甘魚各兩片,同帶子一隻。啲海鮮完全冇炙燒味,冇油香又乾爭爭,差。材料都係分量偏少。餐廳寫明壽司飯可免費添加。見啲壽司飯上左豉油色不過冇乜味,又唔夠酸,又偏硬,幾難食。我同行友人要添飯先可食飽。跟餐可加$20追加小食,或加$30加刺身。裝修好日式,都算見得人,不過非常擠迫。總結,價錢非常貴而質素差,絕對無下次。 繼續閱讀
(以上食評乃用戶個人意見 , 並不代表OpenRice之觀點。)
等級1 2022-05-14
18 瀏覽
慶生飯,搞笑地係自己揀餐廳自己book埋枱😅不過亦都好彩自理能力高,唔係都唔知原來有間甘好既餐廳❤入座之後,員工已經溫馨提示,7點前埋單有優惠到落單嗰陣,問店員今日既omakase丼飯有咩,因為驚有d食左會皮膚敏感,店員好nice甘問我有咩唔食,同廚師講聲換第二d俾我嗌左枝野飲,想要隻杯同朋友share試下,當杯黎到既時候,店員已經貼心地加左冰添燒牛舌:厚度同生熟程度都適中鯛魚湯烏冬:鯛魚半生熟既口感一流,湯又好鮮甜Omakase丼飯:正!無得輸!唔係拎普通既sashimi 敷衍食客赤貝刺生:出邊食都要接近1xx仲要唔太新鮮,哩度價錢ok又新鮮真心好有驚喜既一間餐廳!除左食物好食之外,好耐無遇過一間普通餐廳既員工甘高質!佢地好有禮貌,好有態度,你會feel到佢地既好唔係做作出黎,唔係出邊懶高級既日本餐廳求其噏句いらっしゃいませ!係真係由心而發!睇得出佢地都好有熱誠!佢地既貼心同工作態度,令間餐廳多左份活力,作為食客既我都食得特別開心同舒服!一定會再去! 繼續閱讀
(以上食評乃用戶個人意見 , 並不代表OpenRice之觀點。)
等級1 2022-04-18
143 瀏覽
銅鑼灣逛街後必須醫肚,燈籠街附近除了吃拉麵,當然還可以吃其他的日本料理啦!是日來到主打海鮮丼飯的小店,店面非常乾淨俐落,彷彿置身在日本街頭的小店,是久違了的旅行感覺!我們叫的海鮮丼飯都十分有水準,刺身類只都保持了新鮮度及口感,飯的部分也突出了日本米的軟糯,新鮮現磨的芥末將食材提升了不少!牛舌及餃子的賣相都非常吸引,認真的擺盤讓人食慾大增,配合著丼飯一起,不知不覺就吃了一大半,讓人忘卻了身在香港🇭🇰的事實啊!飲品也可以選擇日本直送的汽水,看著瓶身上面的地名,喚起了許多在日本暢玩的美好回憶! 繼續閱讀
(以上食評乃用戶個人意見 , 並不代表OpenRice之觀點。)