影片
更多
2017-06-12
910 瀏覽
小弟再過多幾個星期就要返工喇，所以媽咪話要同我一齊去買啲新衫新褲，咁我哋就近近哋，去下銅鑼灣買。我哋又買公事包，又買衫同褲，同媽咪買下買下，喺銅鑼灣行完百貨公司都已經七點，媽咪話佢唔想煮飯喇，所以就提議喺銅鑼灣食埋晚飯先返屋企！我哋一出百貨公司，就見到有人派傳單，仲見到宣傳單張上面一間餐廳慶祝十週年紀念，好似有優惠，所以媽咪就話去試下啦。呢間餐廳叫備長，喺百貨公司隔離嘅澳門逸園中心26樓，今晚好彩唔算多客人，我哋walk-in入去都有位。我哋都叫咗幾多野食，有串燒，有料理。第一樣就係燒鰻魚，鰻魚燒到夠哂火侯，食落好香又脆脆哋，重要係冇骨先最正！第二樣就係鵝肝多士，小弟知道媽咪鍾意食鵝肝，所以特登叫咗個鵝肝多士，多士脆卜卜，鵝肝啱啱好，唔會太韌。第三樣就係清酒煮蜆，蜆肉非常厚身，好大隻，清酒味又唔會太重！第四樣就係荔枝豬肉卷，為咗慶祝餐廳十週年紀念，今個禮拜荔枝豬肉卷特價十蚊一串，好抵食啊！荔枝甜嘅，豬肉卷鹹嘅，食落好特別啊。第五樣係燒美國安格斯牛柳，牛柳好重牛味，又唔韌，美國牛肉果然好正！第六樣就係我嘅至愛牛舌厚切，我第一次食到咁厚切嘅牛舌，好入味，又唔韌。第七樣就係燒雞泡魚乾，燒完嘅
我哋一出百貨公司，就見到有人派傳單，仲見到宣傳單張上面一間餐廳慶祝十週年紀念，好似有優惠，所以媽咪就話去試下啦。
呢間餐廳叫備長，喺百貨公司隔離嘅澳門逸園中心26樓，今晚好彩唔算多客人，我哋walk-in入去都有位。
我哋都叫咗幾多野食，有串燒，有料理。
第一樣就係燒鰻魚，鰻魚燒到夠哂火侯，食落好香又脆脆哋，重要係冇骨先最正！
第二樣就係鵝肝多士，小弟知道媽咪鍾意食鵝肝，所以特登叫咗個鵝肝多士，多士脆卜卜，鵝肝啱啱好，唔會太韌。
第三樣就係清酒煮蜆，蜆肉非常厚身，好大隻，清酒味又唔會太重！
第四樣就係荔枝豬肉卷，為咗慶祝餐廳十週年紀念，今個禮拜荔枝豬肉卷特價十蚊一串，好抵食啊！荔枝甜嘅，豬肉卷鹹嘅，食落好特別啊。
第五樣係燒美國安格斯牛柳，牛柳好重牛味，又唔韌，美國牛肉果然好正！
第六樣就係我嘅至愛牛舌厚切，我第一次食到咁厚切嘅牛舌，好入味，又唔韌。
第七樣就係燒雞泡魚乾，燒完嘅雞泡魚乾，用嚟送酒一流！
第八樣就係和牛炒飯，飯粒好乾身，好多材料，例如魷魚、蝦仁等，口感層次極之豐富！
第九同第十樣嘅嘢一定要介紹比大家，就係炸味噌雞肉釀蕃茄同明太子燒飯團。呢個釀蕃茄真係好特別，外脆內軟；燒飯團入面係明太子餡，外皮燒到微焦，好傳統嘅日本名物。
巨峰梳打
今晚真係好滿足，媽咪大讚好得，大家快啲去食啦！
張貼
