Burgeroom (Fashion Walk)

營業中

休息中

睇完rugby7去搵食，星期五晚嘅銅鑼灣超多人，鋪頭出面有條長長人龍，我同男朋友都冇理照等位，好彩等左一陣就有位～佢有分室內、戶外，侍應安排左坐室內，感覺好過坐出面人來人往。呢度有QR code落單，出餐超快，去個洗手間出黎，就上左飲品。岩岩rugby7飲完啤酒唔夠候，我就再叫左支corona，我男朋友就叫熱牛奶😂😂😂小食叫左洋蔥圈，食落就知啲油好新鮮，炸到金黃～我叫左個classic啲嘅牛肉漢堡，男朋友最近愛上食蠔，叫左個廣島蠔漢堡。整體黎講，呢度啲包都唔錯，個包皮外脆內軟，有陣陣牛油香！🍔🍔🍔🍔墨西哥辣椒芝士牛肉漢堡墨西哥辣椒將成個包昇華左，加左辣即刻惹味好多，個芝士夠熱，食落溶溶地好滋味。作為主角嘅牛肉都唔失色，好食嘅牛肉漢堡，牛肉部位的油脂多寡係關鍵！呢塊牛岩岩好，多汁、柔軟又濕潤！🍔吉列廣島蠔漢堡好抵食！一個包有3隻蠔，入面仲夾左隻半熟蛋，好yumyumm～個蠔炸得唔錯，炸漿剛剛好，蠔唔腥，得男朋友果然有眼光！