釜之魂釜飯專門店 (淘大商場) (已結業)

黎到九龍灣睇戲，睇完戲就周圍搵野食。見到係淘大入面既呢間日本野幾得意，就入去試試先!! 一坐低見到個餐牌已經好興奮!! 款款都好似好好味，花多眼亂... 最後我地要一個滑蛋蠔同芝士汁豚肉飯D釜飯夠熱! 用鍋上果然保持到食物既溫度! 滑蛋蠔: 一般! 好多蠔，不過就細細粒，有d腥，而滑蛋亦唔夠滑，似係水咁。芝士豚肉: 有驚喜! 真芝士，勁香!! 撈落d飯度真係一流!! 而豚肉就一般，正常豚肉正常味道。D飯黎之前，會送一碗麵豉湯同一份配菜，有驚喜! 😍😍😍一個五六十蚊既日式set lunch, 不過不失!